ەلباسى يران پرەزيدەنتى حاسان رۋحانيمەن تەلەفون ارقىلى سويلەستى

استانا. 11 مامىر. مەملەكەت باسشىسى يران پرەزيدەنتى حاسان رۋحانيمەن تەلەفون ارقىلى سويلەستى. بۇل تۋرالى akorda.kz حابارلادى. حاسان رۋحاني مەملەكەت باسشىسىن پرەزيدەنتتىك سايلاۋداعى جەڭىسىمەن جانە قىزمەتىنە كىرىسۋىنە بايلانىستى قۇتتىقتادى. اڭگىمەلەسۋ بارىسىندا مەملەكەت باسشىلارى قازاقستان-يران سەرىكتەستىگىنىڭ باسىم باعىتتارىن تالقىلادى. سونداي-اق, تاراپتار حالىقارالىق ۇيىمدار اياسىنداعى ساياسي ديالوگ پەن جەمىستى ءوزارا ءىس-قيمىلدىڭ جوعارى دەڭگەيىن اتاپ ءوتتى. بۇدان بولەك, ساۋدا-ەكونوميكالىق جانە ينۆەستيتسيالىق ىنتىماقتاستىق اياسىن ودان ءارى كەڭەيتۋ ماسەلەلەرى اڭگىمەگە ارقاۋ بولدى. يران پرەزيدەنتى ەكى ەل اراسىنداعى سان عاسىرلىق دوستىق پەن ءوزارا ءتيىمدى ىنتىماقتاستىققا نەگىزدەلگەن قارىم-قاتىناس الدا دا قازاقستان مەن يراننىڭ دوستاس حالىقتارىنىڭ مۇددەسىنە يگى قىزمەت ەتە بەرەتىنىنە سەنىم ءبىلدىردى. ەلامان قوڭىر. دەرەك, سۋرەت: akorda.kz.