ءوڭىر باسشىسى پرەزيدەنتتىڭ سىر وڭىرىنە بارعان ساپارىندا اتقارىلعان جۇمىستارعا وڭ باعا بەرگەنىن دە اتاپ ءوتتى.
«بيىلعى ون ءبىر ايدىڭ قورىتىندىسىندا بارلىق نەگىزگى ماكروەكونوميكالىق كورسەتكىشتىڭ ءوسىمى قامتاماسىز ەتىلدى. جالپى وڭىرلىك ءونىم كولەمى 3 ترلن 100 ملرد تەڭگەگە جەتتى. جىل سوڭىنا دەيىن 3 ترلن 700 ملرد تەڭگەگە جەتكىزىپ, 6,5% ءوسىم قامتاماسىز ەتىلەدى. وبلىس بيۋدجەتى 851 ملرد 300 ملن تەڭگەگە جەتىپ, 2021 جىلدان بەرى 246%-عا ءوستى. ونىڭ 56%-ى الەۋمەتتىك سالاعا باعىتتالعان. دامۋ بيۋدجەتىنىڭ كولەمى 2021 جىلى 47 ملرد تەڭگە بولسا, بيىل 207 ملرد تەڭگەگە جەتىپ, 4,4 ەسەگە ارتتى», دەدى نۇرلىبەك ماشبەك ۇلى.
بيۋدجەت قاراجاتىن وڭتايلاندىرۋ ماقساتىندا 2022 جىلدان باستاپ الەۋمەتتىك سالاعا تەرەڭ تالداۋ جۇرگىزىلىپ, ناتيجەسىندە 108 ملرد تەڭگە قارجى ۇنەمدەلگەن. ونىڭ ىشىندە ءبىلىم سالاسىنان 64 ملرد 300 ملن تەڭگە, مادەنيەت, سپورت سالاسىنان 15 ملرد 400 ملن تەڭگە, الەۋمەتتىك قورعاۋ سالاسىنان 8 ملرد 200 ملن تەڭگەنىڭ ماقساتسىز جۇمسالۋىنا جول بەرىلمەدى. بۇدان بولەك, الەۋمەتتىك نىسانداردىڭ قۇرىلىسىن جۇرگىزۋ بارىسىندا 20 ملرد 100 ملن تەڭگە قارجى ۇنەمدەلدى. قاراجات ايماقتىڭ ەڭ وزەكتى دەگەن ماسەلەلەرىن شەشۋگە, جاڭا ينفراقۇرىلىمدىق جوبالاردى ىسكە اسىرۋعا باعىتتالادى. وڭىردە قولايلى ينۆەستيتسيالىق احۋال قالىپتاسىپ, جاڭا ءىرى ينۆەستيتسيالىق جوبالار جۇزەگە اسىرىلىپ جاتىر.
«2022–2024 جىلدارى 1 ترلن 600 ملرد تەڭگەگە جۋىق ينۆەستيتسيا تارتىلدى. بيىل وبلىسىمىزعا 631 ملرد 400 ملن تەڭگە ينۆەستيتسيا تارتۋ جوسپارلانعان. 11 ايدىڭ قورىتىندىسىندا 717 ملرد 900 ملن تەڭگە ينۆەستيتسيا تارتىلىپ, جوسپار 13,7%-عا ارتىعىمەن ورىندالدى. جىل اياعىنا دەيىن 750 ملرد تەڭگەدەن استام ينۆەستيتسيا تارتىلادى. 2021 جىلمەن سالىستىرعاندا ينۆەستيتسيا كولەمى 233%-عا ارتتى. جەكە ينۆەستيتسيانىڭ ۇلەسى 70%-عا جەتتى. بيىل 300 ملرد تەڭگەدەن استام قارجىعا 27 ينۆەستيتسيالىق جوبا ىسكە قوسىلدى. بيىلعى شىلدە ايىندا 5 ملرد تەڭگەگە تولىق اۆتوماتتاندىرىلعان «قىزىلوردا ساز-م» سەرىكتەستىگىنىڭ كىرپىش زاۋىتى اشىلدى. زاۋىت جىلىنا 90 ملن كىرپىش شىعارىپ, جەرگىلىكتى قۇرىلىسقا قاجەتتى سۇرانىستىڭ 90%ىن قامتاماسىز ەتەدى. سونىمەن قاتار «قىزىلوردا نان» سەرىكتەستىگىنىڭ نان ءوندىرۋ كەشەنى ىسكە قوسىلدى. كەشەننىڭ جالپى قۇنى – 5 ملرد 600 ملن تەڭگە. مۇندا نان-توقاش, كونديتەرلىك-ماكارون ونىمدەرىن شىعاراتىن 4 تسەح جۇمىس ىستەيدى. بۇدان بولەك 753 ملرد 300 ملن تەڭگەگە 14 ءىرى جوبانىڭ قۇرىلىسى باستالدى», دەدى ن.نالىباەۆ.
بىرەر كۇن بۇرىن يسپاندىق «روكا گرۋپپ» كومپانياسىمەن جىلىنا 500 مىڭ بۇيىمعا دەيىن سانيتارلىق-تەحنيكالىق ونىمدەر شىعاراتىن جوعارى تەحنولوگيالىق زاۋىت سالۋ جونىندە ينۆەستيتسيالىق كەلىسىمگە قول قويىلعان, ەلىمىزدە العاش سالىناتىن زاۋىتتىڭ قۇنى – 44 ملرد تەڭگە. ءوندىرىس ورنى ىسكە قوسىلعاندا 300-گە جۋىق جاڭا جۇمىس ورنى اشىلادى.
ۇكىمەت قاۋلىسىمەن مامىر ايىندا قىزىلوردا قالاسىندا اۋماعى 550 گا اۋماققا «قورقىت اتا» ارنايى ەكونوميكالىق ايماعى قۇرىلعان. كاسىپكەرلىكتى قولداۋعا 2022–2024 جىلدارى ءارتۇرلى كوزدەن 203 ملرد 81 ملن تەڭگەگە 16 634 جوبا قارجىلاندىرىلعانىن ايتقان ءوڭىر باسشىسى ونىڭ ىشىندە 37 ملرد 962 ملن تەڭگەسى مەملەكەتتىك باعدارلاما اياسىندا قولداۋ تاپقانىن اتاپ ءوتتى.
بيىل بارلىق قارجى كوزىنەن 40 ملرد تەڭگەگە جەكە كاسىپكەرلىكتىڭ 2 مىڭ 464 جوباسى قارجىلاندىرىلعان. 2023–2025 جىلدارى «اۋىل اماناتى» جوباسى اياسىندا 100-دەن اسا ەلدى مەكەندە 6 ملرد 828 ملن تەڭگەگە 943 جوبا جۇزەگە اسىرىلىپ, 1303 جۇمىس ورنى اشىلدى. 2022–2024 جىلدارى 133 مىڭنان استام ازامات, 2025 جىلدىڭ 11 ايىندا 43 مىڭعا جۋىق ادام جۇمىسپەن قامتىلدى. مەملەكەت باسشىسىنىڭ 10 مىڭ ادامعا 100 جۇمىس ورنىن قۇرۋ تاپسىرماسى 2022–2024 جىلى 42%-عا ارتىعىمەن ورىندالىپ, 37 مىڭعا جۋىق جاڭا جۇمىس ورىندارى اشىلدى. بيىلعى 11 ايدا 12 032 جۇمىس ورنى قۇرىلىپ, بيىلعى جوسپار 12,9%-عا ارتىعىمەن ورىندالدى. وبلىستا جۇمىسسىزدىق تومەندەپ كەلە جاتىر.
«وبلىس ەكونوميكاسىنىڭ نەگىزگى سالاسى اگروونەركاسىپ كەشەنىن دامىتۋعا كەيىنگى 3 جىلدا 43 ملرد تەڭگە قارجى ءبولىندى. شارۋاشىلىقتار ەسەبىنەن 41 ملرد تەڭگەدەن استام ينۆەستيتسيا تارتىلدى. مەملەكەتتىك قولداۋدىڭ ارقاسىندا اۋىل شارۋاشىلىعىنىڭ ماشينا-تراكتور پاركى جاڭارتىلىپ, 2022–2024 جىلدارى 21 ملرد 800 ملن تەڭگەگە 647 دانا تەحنيكا الىندى. بيىل دا 4 ملرد 700 ملن تەڭگەگە ماشينا-تراكتور پاركى 139 اۋىل شارۋاشىلىعى تەحنيكاسىمەن تولىقتىرىلدى. اۋىل شارۋاشىلىعى سالاسىندا 10 ملرد 700 ملن تەڭگەگە 16 ينۆەستيتسيالىق جوبا جۇزەگە اسىرىلىپ جاتىر. جالپى ءونىم كولەمى جىل سايىن ارتىپ, وسى جىلى 234 ملرد 800 ملن تەڭگەگە جەتتى. قازىر 6 ملرد 400 ملن تەڭگە بولاتىن 9 جوبا ىسكە قوسىلدى», دەدى ءوڭىر باسشىسى.
بيىل 189 مىڭ 600 گا القاپقا ەگىن ەگىلسە, ونىڭ ىشىندە 80 900 گا جەرگە كۇرىش داقىلى سەبىلىپ, ءار گەكتاردان 58,1 تسەنتنەردەن ءونىم الىندى, 470 مىڭ تونناعا جۋىق استىق جينالدى.
«وڭىردە تۇرعىنداردىڭ ءومىر ءسۇرۋ ساپاسىن جاقسارتۋدا باسپانامەن قامتۋ, ينفراقۇرىلىمداردى قايتا جاڭعىرتۋ باعىتىندا ءتيىستى شارالار قابىلدانىپ جاتىر. پرەزيدەنتتىڭ قولداۋىمەن قىزىلوردا قالاسىندا «اكسا ەنەردجي» تۇرىك ينۆەستورى بولگەن 215 ملرد تەڭگەگە قۋاتتىلىعى 240 مەگاۆاتت جاڭا جىلۋ ەلەكتر ورتالىعى سالىندى. بيۋدجەت ەسەبىنەن 15 ملرد تەڭگەگە 45 شاقىرىم گاز قۇبىرى جۇرگىزىلدى. جاڭا ورتالىق 240 مەگاۆاتت ەلەكتر قۋاتىن, 277 گيگاكالوريا جىلۋ ەنەرگياسىن وندىرەدى. سونىمەن قاتار قىزىلوردالىقتاردىڭ ارمانىنا اينالعان وبلىس ورتالىعىنداعى كوپقاباتتى تۇرعىن ۇيلەردى ىستىق سۋمەن قامتاماسىز ەتۋ ماسەلەسى وڭ شەشىمىن تاپتى. بۇل ماقساتقا 26 ملرد 200 ملن تەڭگە قارجى ءبولىندى. 2022–2024 جىلدارى وڭىرىمىزدە «اۋىل – ەل بەسىگى» جوباسى اياسىندا 78 اۋىلدا الەۋمەتتىك, ينجەنەرلىك ينفراقۇرىلىمداردى دامىتۋعا باعىتتالعان 31 ملرد 600 ملن تەڭگەگە 343 جوبا جۇزەگە اسىرىلدى. بيىل 41 ەلدى مەكەندە 66 جوبانى ىسكە اسىرۋعا 15 ملرد 155 ملن تەڭگە ءبولىندى. بيىل بارلىق ەلدى مەكەنگە ورتالىقتاندىرىلعان ساپالى اۋىزسۋ تارتىلدى», دەدى ن.نالىباەۆ.
ايماققا گاز تارتىپ, تۇرعىنداردى كوگىلدىر وتىنمەن قامتۋ 83%-عا جەتكەن, ەلەكتر ەنەرگياسىمەن قامتۋ باعىتىندا 2022–2025 جىلدارى 24 ملرد 200 ملن تەڭگەگە 71 جوبا جۇزەگە اسىرىلعان. وبلىستا ءۇش جىلدا اۆتوموبيل جولدارىنىڭ 1600 شاقىرىمى مەن 30 كوپىر وتكەلىن سالۋعا, كۇردەلى جوندەۋدەن وتكىزۋگە 150 ملرد تەڭگەگە جۋىق قارجى بولىنگەن. سونىمەن قاتار مامىر ايىندا ارال قالاسىندا 3 ملرد 140 ملن تەڭگەگە ۇزىندىعى 940 مەتر اسپالى جول سالىنسا, شىلدە ايىندا 1 ملرد 400 ملن تەڭگەگە تۇرعىنداردىڭ ۇزاق جىل كۇتكەن جاڭاقورعان كەنتىندەگى تەمىرجول ۇستىنەن وتەتىن كوپىر پايدالانۋعا بەرىلدى.
«ەل يگىلىگىنە 300 جاڭا اۆتوبۋس الىنىپ, قوعامدىق كولىك ماسەلەسى تولىعىمەن شەشىمىن تاپتى. وبلىستىق بيۋدجەتتەن 1 ملرد تەڭگەگە 100 ەكوتاكسي ساتىپ الىنىپ, حالىققا ساپالى قىزمەت كورسەتىپ كەلەدى. 2022 جىلدان بەرى حالىققا قاجەتتى 200-گە جۋىق الەۋمەتتىك نىسان سالىندى. 2022–2024 جىلدارى تۇرعىن ءۇي كەزەگىندە تۇرعان ازاماتتارعا 5 مىڭنان اسا پاتەر تابىستالدى. ءۇش جىلدا بارلىق اۋداندا جاڭادان 1 800-گە جۋىق پاتەر تۇرعىندارعا بەرىلدى. بيىل 3600 پاتەرلى تۇرعىن ءۇي سالۋعا بيۋدجەتتەن 58 ملرد 785 ملن تەڭگە ءبولىندى. ءبىلىم بەرۋ سالاسىنا كەيىنگى 3 جىلدا 812 ملرد 245 ملن تەڭگە ءبولىندى. بىلتىر 31 ملرد 800 ملن تەڭگەگە 13 ءبىلىم ۇيىمى اشىلدى. «كەلەشەك مەكتەپتەرى» ۇلتتىق جوباسى اياسىندا 54 ملرد 391 ملن تەڭگەگە 10 جاڭا مەكتەپ پايدالانۋعا بەرىلدى. 2023 جىلدان بەرى 5 ملرد 700 ملن تەڭگەگە 9 مەكتەپ جانىنان قوسىمشا عيمارات بوي كوتەردى. ء«بىلىمدى قولداۋ قورى» ارقىلى 8 ملرد 400 ملن تەڭگەگە فيزيكا-ماتەماتيكا باعىتىنداعى ء«بىلىم-يننوۆاتسيا» ليتسەي-ينتەرناتى اشىلدى. كاسىپكەرلەردىڭ دەمەۋشىلىگىمەن ارال اۋدانى توقاباي اۋىلىنداعى اپاتتىق مەكتەپتىڭ ورنىنا 500 ملن تەڭگەگە جاڭا ءبىلىم ورداسى سالىندى. كەيىنگى ءۇش جىلدا 5 ملرد 300 ملن تەڭگەگە 15 مەكتەپتىڭ عيماراتىنا كۇردەلى جوندەۋ جۇمىسى جۇرگىزىلدى. «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا ءوڭىرىمىزدىڭ بارلىق اۋدانىندا 10 ملرد 763 ملن تەڭگەگە 28 مەديتسينالىق نىسان سالىندى. جالپى قۇنى 5 ملرد 400 ملن تەڭگەگە 4 اۋدانداعى ورتالىق اۋرۋحانالار جانىنان جاڭا قوسىمشا عيماراتتار سالىندى. شيەلى اۋدانىندا 2 ملرد 300 ملن تەڭگەگە جۇقپالى اۋرۋلار بولىمشەسىنىڭ جاڭا عيماراتى سالىنىپ, پايدالانۋعا بەرىلدى», دەگەن ءوڭىر باسشىسى وبلىستىڭ تىنىس-تىرشىلىگىن بايانداعاننان كەيىن, ءباسپاسوز ءماسليحاتىنىڭ سوڭىندا جۋرناليستەردىڭ ساۋالدارىنا جاۋاپ بەردى.
