ساراپشى ەڭ باي ادامداردىڭ رەيتينگىن مىسالعا كەلتىرەدى. ول تىزىمدە ەشكىمنىڭ جالاقىسى نەمەسە ايلىق كىرىسى ەسەپتەلمەيدى. نەگىزگى ولشەم – كاپيتال. ياعني, اكتيۆتەر. سەبەبى اكتيۆتىڭ ءوزى قۇندى ءارى ارقاشان اقشا اكەلەدى.
ء«ار ورتادا باستى اكتيۆ ءارتۇرلى. كومپانيا ءۇشىن ەڭ قىمبات اكتيۆ ادامدار, ياعني قىزمەتكەرلەر. سەبەبى كومپانيانى العا سۇيرەيتىن دە, قۇندىلىق جاسايتىن دا سولار. قىزمەتكەر ءۇشىن نەگىزگى اكتيۆ ءبىلىم مەن بىلىكتىلىك. ال كاسىپكەر ءۇشىن ەڭ باستى اكتيۆ كليەنتتەر. بىراق كليەنت كوپ بولۋى شارت ەمەس, ەڭ ماڭىزدىسى ماقساتتى جانە تۇراقتى كليەنتتەر», دەيدى ساراپشى.
ينۆەستور قاراپايىم مىسال كەلتىرەدى. كاسىپكەر تاۋار نەمەسە قىزمەت ساتىپ, 1 ملن تەڭگە تاپتى دەلىك. ەڭ ۇلكەن قاتەلىك سول اقشانى الىپ, وزىنە قاجەتسىز زاتقا جۇمساۋ بولادى دەيدى ول. اقىلدى كاسىپكەر بۇل اقشانىڭ ءبىر بولىگىن ءوز اكتيۆىنە قايتا سالادى. سەبەبى اكتيۆ وسكەن سايىن ونىڭ قۇنى دا, اكەلەتىن تابىسى دا ارتادى. ەگەر كاسىپكەر تاۋار نەمەسە قىزمەت ساتۋمەن اينالىسسا, ول ەڭ الدىمەن جارناماعا ينۆەستيتسيا سالۋى كەرەك. كليەنت سانى ارتسا, جاڭا ساتىلىم پايدا بولادى. ال جاڭا ساتىلىم تابىستىڭ وسۋىنە اكەلەدى. وسى تىزبەك ۇزىلمەسە عانا بيزنەس داميدى.
«تابىس تابۋ باقۋاتتى بولۋعا جەتكىلىكسىز. سەبەبى تابىس وتە تۇراقسىز. ءبىر اي بار, ءبىر اي جوق. سول سەبەپتى بايلىقتىڭ فورمۋلاسى باسقا. وتە قاراپايىم. ول – اقشا تابۋ, ونى ساقتاۋ ءارى كوبەيتۋ. وسى ۇشەۋى قاتار جۇمىس ىستەمەسە, ناتيجە بولمايدى», دەيدى ا. الىمباەۆ.
