اقتوبە. 11 مامىر. اقتوبەدە قازاقستان رەسپۋبليكاسىنىڭ تۇڭعىش پرەزيدەنتى اتىنداعى مادەنيەت جانە دەمالىس ساياباعىندا وبلىستىق حالىق شىعارماشىلىعى ءۇيى, سونداي-اق, وبلىستىق مادەنيەت, مۇراعاتتار جانە قۇجاتتاما باسقارماسىنىڭ قولداۋىمەن ۇلى جەڭىستىڭ 70 جىلدىعىنا ارنالعان «شىرقا سىرناي, اۋەلەپ!» اتتى وبلىستىق سىرنايشىلار فەستيۆالى ءوتتى. بۇل تۋرالى egemen.kz ءتىلشىسى حابارلادى.
ءىس-شارانىڭ ماقساتى – وسكەلەڭ ۇرپاققا سۇراپىل سوعىستاعى جاۋىنگەردىڭ ەرلىگى مەن باتىلدىعىن جەتكىزۋ, ولاردىڭ ءومىرىنىڭ قۇرمەتكە لايىق ەكەندىگىن ناسيحاتتاۋ جانە ەلىمىزدىڭ تاريحىن ءبىلىپ, تانۋعا بەيىمدەۋ بولىپ تابىلادى.
فەستيۆالدىڭ اشىلۋ سالتاناتىنا وبلىستىق مادەنيەت, مۇراعاتتار جانە قۇجاتتاما باسقارماسى باسشىسىنىڭ ورىنباسارى قىدىرعالي ەرمۇقان قاتىسىپ, قاتىسۋشىلارعا ساتتىلىك تىلەدى.
ونەر مەرەكەسىنە جاس ەرەكشەلىكتەرى 10-65 ارالىعىنداعى وبلىستىڭ العا, مارتوك, تەمىر, قوبدا, ايتەكە بي, ىرعىز اۋداندارىنان جانە اقتوبە قالاسىنان 25-تەن استام سىرنايشىلار قاتىستى. سونداي-اق, قالالىق مۋزىكا مەكتەپتەرىنىڭ, ورتا ارناۋلى وقۋ ورىندارىنىڭ ستۋدەنتتەرى مەن كاسىبي جانە اۋەسقوي مۋزىكانتتارى ءوز ونەرلەرىن ورتاعا سالدى.
ساياباعىنىڭ ساحناسىنان سوعىس جىلدارىنداعى اندەرمەن قاتار اسكەري جانە پاتريوتتىق تاقىرىپتاعى تۋىندىلار شىرقالدى. مەرەكەلىك باعدارلامادا جەكە ورىنداۋشىلارمەن قاتار اقتوبە قالالىق «گەولوگ» مادەنيەت ءۇيىنىڭ «اسىل اجەلەر» حالىقتىق ءانسامبلى, العا اۋداندىق بالالار ونەر مەكتەبىنىڭ ورىس حالىق اسپاپتار ءانسامبلى جانە تاعى باسقالارى ونەر كورسەتتى.
سىرنايشىلار فەستيۆالى كورەرمەندەرگە كوتەرىڭكى كوڭىل-كۇي سىيلادى قاتىسۋشى ونەرپازدار ارنايى ديپلومدار جانە باعالى سىيلىقتارمەن ماراپاتتالدى.
ساتىبالدى ءساۋىرباي.
دەرەك, سۋرەت: egemen.kz.
