ماڭعىستاۋدا مۇناي وڭدەۋ زاۋىتىن سالۋ ماسەلەسى ايتىلدى

اقتاۋ. 23 اقپان. ماڭعىستاۋ وبلىسى – مۇناي وڭدەۋشى زاۋىت قۇرىلىسى ءۇشىن تاپتىرماس ورىن. ەسەپ بەرۋ كەزدەسۋىندە ايماق باسشىسى اليك ايدارباەۆ وسىلاي دەدى. بۇل تۋرالى egemen.kz ءتىلشىسى حابارلادى. «قازىرگى تاڭدا ەلىمىزدە 4-ءشى مۇناي وڭدەۋ زاۋىتىن سالۋ كۇن تارتىبىندە تۇر. ەلىمىزدەگى بىرقاتار وڭىرلەر بۇل زاۋىتتىڭ ءوز اۋماقتارىندا بولعانىن قالايدى. مۇنداي زاۋىتقا مەكەن بولۋعا ماڭعىستاۋدىڭ دا مۇمكىندىگى مول. تۇتىنۋشىلاردىڭ دەنى ورتالىق پەن وڭتۇستىكتە ورنالاسقان, سوندىقتان ماڭعىستاۋدىڭ قاشىقتا ورنالاسۋى باستى سەبەپتەردىڭ ءبىرى. جاڭا ءموز ەكسپورتقا باعىتتالۋى كەرەك دەسەك, ءبىزدىڭ وسى تۇستا ارتىقشىلىققا يەمىز. يران ەلىمەن كورشى, ينۆەستيتسيالىق تارتىمدىلىعى جاڭا دەڭگەيگە كوتەرىلگەن, تەڭىز جاعاسىندا ورنالاسقان, جاڭا پورتتار, تەمىرجول قۇرىلىسى وركەندەۋ ۇستىندەگى ماڭعىستاۋدان قولايلى ءوڭىر قازاقستاندا جوق, – دەگەن ا. ايدارباەۆ, زاۋىتتىڭ پارسى شىعاناعى مەن ەۋروپا ەلدەرىنە جەتكىزىلەتىن مۇناي ونىمدەرىنىڭ ەكسپورتىن دامىتۋعا مۇمكىندىك بەرەتىندىگىن ايتتى. سونداي-اق, اكىم جاڭا مۇناي وڭدەيتىن زاۋىتتى بيۋدجەت قارجىسىنا ەمەس, ينۆەستيتسيا تارتۋ ارقىلى سالۋ قاجەتتىگىن العا تارتتى. مۇنى وزگە تاراپتاردىڭ قىزىعۋشىلىعىن ارتتىرۋى مۇمكىن ەكەندىگىمەن تۇسىندىرە كەلە, قازىردىڭ وزىندە قىتاي مەن يران ەلىنىڭ اتالمىش قۇرىلىسقا قىزىعۋشىلىق تانىتىپ وتىرعاندىعىن جەتكىزدى. گۇلايىم شىنتەمىرقىزى. دەرەك, سۋرەت egemen.kz.