ءباا ۇلتتىق مەتەورولوگيا ورتالىعى ەل بويىنشا قۇبىلمالى اۋا رايى تۋرالى حابارلادى. نوسەر جاۋىن جاۋىپ, جەل ەكپىنى كۇشەيەدى دەپ بولجانىپ وتىر.
ءباا-ءنىڭ كوپ بولىگىندە نوسەر جاڭبىر جاۋدى. Khaleej Times حابارلاۋىنشا, جاۋىن-شاشىننىڭ ەڭ كوپ مولشەرى راس-ەل-حايمادا (127 مم) جاۋعان, پورت ساكردا 123 مم, ال دجابال-ار-راحبا مەن دجابال-دجەيستىڭ تاۋلى ايماقتارىندا سايكەسىنشە 117,5 مم جانە 166,6 مم جاۋىن-شاشىن جاۋدى.
Gulf News حابارلاۋىنشا, شاردجا پوليتسياسى سۋ تاسقىنىنان ونەركاسىپتىك ايماقتا ەكى ادامنىڭ ەلەكتر توعىنان قازا تاپقانىن تەرگەپ جاتىر.
ەلدىڭ ەڭ ءىرى قالالارىنىڭ ءبىرى دۋبايدى دا سۋ باستى. بيلىك قاۋىپسىزدىك ماقساتىندا قالاداعى ساياباقتار مەن قوعامدىق جاعاجايلاردى جاپتى.
