جامبىل وبلىستىق سوتىنا توراعا تاعايىندالدى

استانا. 23 اقپان جوعارعى سوت توراعاسى قايرات ءمامي جامبىل وبلىستىق سوتىنىڭ جاڭا توراعاسى رۇستەم مىرزاكارiم ۇلى الشىنباەۆتى ۇجىممەن تانىستىردى. بۇل تۋرالى جوعارى سوتتىڭ ءباسپاسوز قىزمەتى حابارلادى. «رۇستەم الشىنباەۆ كاسىبي سۋديا, تاجيريبەلى باسشى. بىرقاتار وڭىرلەردە القا توراعاسى بولىپ ەڭبەك ەتتى. جاڭا قىزمەتكە تاعايىندالعانعا دەيىن الماتى قالالىق سوتىنىڭ القا توراعاسى بولدى», – دەپ اتاپ ءوتتى ق. ءمامي. جامبىل وبلىستىق سوتىنىڭ بۇرىنعى توراعاسى مارعۇلان جۇبانىش ۇلى بەكتۇرعانوۆ اتىراۋ وبلىستىق سوتىنىڭ توراعاسى بولىپ تاعايىندالدى. ق. ءمامي م. بەكتۇرعانوۆتىڭ سوت تورەلىگىنىڭ ساپاسىن ارتتىرۋعا جانە سوت بەدەلىن نىعايتۋعا ۇلكەن ۇلەس قوسقانىن ايتىپ ءوتتى. ءىس-شارا سوڭىندا جوعارعى سوت توراعاسى مەملەكەت باسشىسىنىڭ تاپسىرمالارىن ورىنداۋ اياسىندا وبلىستىڭ سۋديالار كورپۋسىنىڭ الدىندا تۇرعان باسىم باعىتتاردى, سونداي-اق سوت جۇيەسىنىڭ 2015-2017 جىلدارعا ارنالعان سىبايلاس جەمقورلىققا قارسى ءىس-قيمىل جونىندەگى كەشەندى جوسپاردى ىسكە اسىرۋ جونىندە بىرقاتار مىندەتتەردى ايقىنداپ بەردى. جولدىباي بازار. دەرەك, سۋرەت: جوعارعى سوتتىڭ ءباسپاسوز قىزمەتى.