فوتو: وقۋ-اعارتۋ مينيسترلىگى
مەكتەپتە پەداگوگ-كاسىبي باعدار بەرۋشى بولىپ قىزمەت اتقاراتىن نازەركە جانتاڭاتوۆا «PROF-Guide» جوباسىن جاساپ شىعاردى. جوبا وقۋشىلارعا ماماندىق تاڭداۋ بويىنشا ناقتى جانە جۇيەلەنگەن اقپارات ۇسىنىپ, اتا-انا – مامان – وقۋشى اراسىنداعى بايلانىستى نىعايتۋدى كوزدەيدى.
وندا كاسىبي باعدارلاۋ بويىنشا تەستتەر جيىنتىعى, ماماندىق تاڭداۋعا ارنالعان كەڭەستەر, بەيىندىك پاندەرگە سايكەس ماماندىقتار, قازاقستانداعى جوو جانە كوللەدجدەر, جاڭا ماماندىقتار تۋرالى ناقتى اقپاراتتار توپتاستىرىلعان.
«سوڭعى ۋاقىتتا وقۋشىلاردىڭ «قاي ماماندىقتى تاڭداسام ەكەن؟», «گرانتتار تۋرالى اقپاراتتى قايدان تاپسام بولادى؟» دەگەن سۇراقتاردى ءجيى قويىپ جۇرگەنىن بايقادىم. مۇنداي ساۋالدار كوبەيگەن سايىن كاسىبي باعدار بەرۋ جۇمىسىن جەڭىل ءارى قولجەتىمدى ەتۋ قاجەتتىلىگى ارتتى. سول سەبەپتى وقۋشىلارعا ناقتى باعىت بەرەتىن «PROF-Guide» اتتى Telegram بوتىن جاسادىم», دەيدى نازەركە جانتاڭاتوۆا.
بۇل تەك اۆتوماتتى جۇيە ەمەس. وقۋشىلار مەن اتا-انالار ءوز سۇراقتارىن بوت ارقىلى جولداپ, جوبا اۆتورىنان ءوز سۇراقتارىنا جاۋاپ الا الادى.
