اتىراۋ اۋەجايىنا حيۋاز دوسپانوۆانىڭ ەسىمىن بەرۋ ۇسىنىلدى

اتىراۋ. 11 مامىر. اتىراۋداعى حالىقارالىق اۋەجايعا ەكىنشى دۇنيەجۇزىلىك سوعىسقا قاتىسقان قازاقتىڭ ۇشقىش قىزى, حالىق قاھارمانى حيۋاز دوسپانوۆانىڭ ەسىمىن بەرۋ ۇسىنىلدى. بۇل تۋرالى egemen.kz ءتىلشىسى حابارلادى. اتالعان حابار «اتما-اتىراۋ اۋەجايى جانە تاسىمالى» اكتسيونەرلىك قوعامىنىڭ جەڭىستىڭ 70 جىلدىعىنا ارنالعان سالتاناتتى شاراسىندا ءمالىم ەتىلدى. اكتسيونەرلىك قوعام باسشىسىنىڭ ورىنباسارى جاڭىل ۇمبەتياروۆانىڭ ايتۋىنشا, اتىراۋ وبلىستىق اكىمدىگىنە حيۋاز دوسپانوۆانىڭ ەسىمىن اۋەجايعا بەرۋ جونىندەگى باستاماشىل توپتىڭ جانە پارلامەنت دەپۋتاتتارىنىڭ ۇسىنىستارى جەتكىزىلگەن. ايتقانداي, اۋەجاي ۇجىمى اتالعان ۇسىنىسقا قولداۋ ءبىلدىرىپ وتىر. ەسكە سالا كەتەيىك, اتىراۋدا بۇعان دەيىن  حالىق قاھارمانى, ۇشقىش حيۋاز دوسپانوۆانىڭ ءمۇسىنى ورناتىلدى. كەيىننەن ونىڭ ەسىمىمەن «ەير استانا» اۋە كومپانياسىنىڭ «ەmbraer 190» لاينەرى اتالدى. جولداسبەك شوپەعۇل. دەرەك: egemen.kz. سۋرەت: راحىم قويلىباەۆ.