فوتو: FIFA/Netflix screenshot
ويىن وسى جازدا, فۋتبولدان الەم چەمپيوناتىنا وراي شىعادى. ول تەك Netflix Games پلاتفورماسىندا ەكسكليۋزيۆتى تۇردە قولجەتىمدى بولادى.
Netflix جازىلىمى بار بارلىق قولدانۋشىلار ويىندى تەگىن ويناي الادى. ول ءۇشىن تەك تەلەفون مەن Netflix اككاۋنتى قاجەت. ويىندى جەكە نەمەسە دوستارمەن ونلاين رەجيمدە, تىكەلەي تەلەديدار ارقىلى ويناۋعا بولادى. ويىن Netflix-تەگى فيلمدەر مەن سەريالداردىڭ قاتارىندا ورنالاستىرىلادى.
جوبانىڭ باستى ماقساتى – وسى ۋاقىتقا دەيىن جاسالعان ەڭ قىزىقتى, ەڭ قولجەتىمدى جانە ەڭ اۋقىمدى فۋتبول سيمۋلياتورىن ۇسىنۋ. ويىنعا قاتىستى تولىق اقپارات رەليزگە جاقىن ۋاقىتتا جاريالانادى.
ايتا كەتەيىك, FIFA ويىن سەرياسىن 2023 جىلى Electronic Arts كومپانياسىمەن سەرىكتەستىگى اياقتالعاننان كەيىن ءوز بەتىنشە دامىتىپ كەلەدى. بۇل ىنتىماقتاستىق 1993 جىلدان بەرى جالعاسقان بولاتىن. ال جاڭا ويىن سەرياسىن Delphi Interactive كومپانياسى ازىرلەدى.
