وسى كەزەڭ ىشىندە قازاقستان مەن جاپونيا اراسىنداعى قارىم-قاتىناستار جۇيەلى تۇردە دامىپ, قازىرگى ۋاقىتتا «كەڭەيتىلگەن ستراتەگيالىق ارىپتەستىك» دەڭگەيىمەن سيپاتتالادى. ءوزارا ءىس-قيمىل تاراپتاردىڭ ۇلتتىق مۇددەلەرىن ەسكەرۋ, تەڭقۇقىلىق جانە ءوزارا قۇرمەت قاعيداتتارىنا نەگىزدەلگەن. بۇل تۇراقتى ساياسي ديالوگ پەن كەڭ اۋقىمدى ماسەلەلەر بويىنشا سىندارلى ىنتىماقتاستىقتى قامتاماسىز ەتەدى.
ەكىجاقتى ىنتىماقتاستىق اياسىندا زاماناۋي تەحنولوگيالاردى ەنگىزۋگە, وندىرىستىك ۇدەرىستەردىڭ تيىمدىلىگىن ارتتىرۋعا, ەكولوگيالىق ستاندارتتاردى ساقتاۋعا, سونداي-اق وزىق باسقارۋ جانە يننوۆاتسيالىق تاجىريبەلەردى دامىتۋعا باسىمدىق بەرىلەدى.
كۇن تارتىبىندە ەنەرگەتيكا سالاسىنداعى ءوزارا ءىس-قيمىل, ونىڭ ىشىندە ءداستۇرلى ەنەرگەتيكا, ەنەرگيا تيىمدىلىگىن ارتتىرۋ جانە «جاسىل» تەحنولوگيالاردى دامىتۋ ماسەلەلەرى ماڭىزدى ورىن الادى.
ەسكە سالا كەتەيىك, 17 جەلتوقسان كۇنى مەملەكەت باسشىسى قاسىم-جومارت توقاەۆ جاپونياعا رەسمي ساپارمەن بارعان ەدى. قاسىم-جومارت توقاەۆتى يمپەراتور نارۋحيتو يمپەراتور سارايىندا قارسى الدى. سونداي-اق پرەزيدەنت قازىرگى ۋاقىتتا جاپونيادا ءبىلىم الىپ, ءتۇرلى سالادا قىزمەت ەتىپ جۇرگەن قازاقستان ازاماتتارىمەن كەزدەسىپ, جاپونيا سياقتى دامىعان ەلدىڭ تاجىريبەسىن زەردەلەۋ ماڭىزدى ەكەنىن ايتقان ەدى.
قاسىم-جومارت توقاەۆ جاپونيانىڭ پرەمەر-ءمينيسترى ساناە تاكايچيمەن كەلىسسوز جۇرگىزدى. كەلىسسوزدەر بارىسىندا ساۋدا-ەكونوميكالىق, ينۆەستيتسيالىق, كولىك-لوگيستيكالىق, ەنەرگەتيكالىق جانە مادەني-گۋمانيتارلىق سالالارداعى ەكىجاقتى بايلانىستاردى دامىتۋ پەرسپەكتيۆاسى ەگجەي-تەگجەيلى تالقىلاندى.
كەلىسسوز قورىتىندىسى بويىنشا پرەزيدەنت قاسىم-جومارت توقاەۆ پەن پرەمەر-مينيستر ساناە تاكايچي بىرلەسكەن مالىمدەمە قابىلدادى.
ايتا كەتەيىك, مەملەكەت باسشىسىنىڭ جاپونيا ەلىنە رەسمي ساپارى 20 جەلتوقسانعا دەيىن جالعاسادى. ساپار اياسىندا يمپەراتور نارۋحيتومەن, پرەمەر-مينيستر ساناە تاكايچيمەن, سونداي-اق جاپونيانىڭ ىسكەرلىك ورتا وكىلدەرىمەن كەزدەسۋ جوسپارلانعان. بۇدان بولەك, قازاقستان پرەزيدەنتى «ورتالىق ازيا – جاپونيا» سامميتىنە قاتىسادى.
