ماحامبەت اۋداندىق سوتىندا اۋرۋحاناعا قاتىستى اكىمشىلىك قۇقىق بۇزۋشىلىق تۋرالى كودەكستىڭ 462-بابىنىڭ 3-بولىگىمەن قوزعالعان اكىمشىلىك ءىس قارالدى.
«اۋرۋحانا جوعارى تاۋەكەل دارەجەسىنە جاتاتىن نىسان بولعاندىقتان, 25 اقپان-5 ناۋرىز ارالىعىندا اۋرۋزاناعا ءورت قاۋىپسىزدىگى ءىس-شارالارىنىڭ ورىندالۋىنا پروفيلاكتيكالىق باقىلاۋ جۇرگىزىلىپ, 20 بۇزۋشىلىق انىقتالعان. ونى ورىنداۋعا 10 شىلدەگە دەيىن ۋاقىت بەرىلگەن. الايدا, 1 تامىزداعى تەكسەرۋ كەزىندە بۇزۋشىلىقتاردىڭ سەگىزى ورىندالماعان», دەپ حابارلادى اۋداندىق سوتتان.
سوت وتىرىسىندا اۋرۋحانا وكىلى كىناسىن مويىنداپ, جەڭىل جازا قولدانۋدى سۇراعان. ️سوت اۋرۋحانانىڭ 20 بۇزۋشىلىقتىڭ 12-ءسىن جويعانىن ەسكەردى.
«ال, 8 بۇزۋشىلىقتىڭ ورىندالماعانى ءۇشىن اكىمشىلىك قۇقىق بۇزۋشىلىق تۋرالى كودەكستىڭ 829-11-بابىنىڭ 2-بولىگىنە سايكەس, سالىناتىن ايىپپۇلدىڭ جالپى سوماسىنىڭ وتىز پايىزىن قىسقارتتى. ماحامبەت اۋداندىق اۋرۋحاناسىنا 1 ملن 376 مىڭ 200 تەڭگە اكىمشىلىك ايىپپۇل جازاسى تاعايىندالدى», دەپ ءمالىم ەتتى سوتتان.
سوت قاۋلىسى زاڭدى كۇشىنە ەندى.
