پەتروپاۆلدا پارامەن ۇستالعان شەنەۋنىك سوتتالدى

پەتروپاۆل. 23 اقپان. قىزمەت بابىن پايدالانىپ, كاسىپكەردەن 10 مىڭ دوللار الىم تالاپ ەتتى دەگەن كۇدىكپەن ۇستالعان پەتروپاۆلدىق شەنەۋنىك ەندى ءومىرىنىڭ 6 جىلىن اباقتىدا وتكىزەتىن بولدى. سوت وسىنداي ۇكىم شىعاردى. بۇل تۋرالى egemen.kz ءتىلشىسى حابارلادى. بىلتىر مامىردا قارجى پوليتسياسى وبلىستىق جانە قالالىق اكىمدىكتىڭ ءبىر توپ جاۋاپتى تۇلعاسىنا قاتىستى قىلمىستىق ءىس قوزعاپ, وعان سىبايلاس جەمقورلىقپەن اينالىستى دەگەن ايىپ تاققان بولاتىن. ولاردىڭ اراسىندا بولعان قۇرىلىس باسقارماسىنىڭ باسشىسى راتمير ۋسمانوۆتى سوت التى جىلعا اباقتىعا كەستى. سوت ماتەريالدارى بويىنشا ول مامليۋت اۋدانىندا سالىنىپ جاتقان مەكتەپتىڭ بىتپەگەن قۇرىلىسىنا اياقتالدى دەگەن جالعان اكت جاساعان.وسى «قىزمەتى» ءۇشىن جەكە كاسىپكەر مۇرات حارسيەۆتان 10 مىڭ دوللار پارا العان. سونىمەن بىرگە م. حارسيەۆ تە ۇستالىپ, 4 جىلعا   سوتتالدى. وبلىستى ۋ-شۋعا بولەگەن وقيعادان سوڭ ءوڭىردىڭ سول كەزدەگى اكىمى سامات ەسكەندىروۆ قىزمەتىنەن بوساتىلىپ, ورىنباسارى ۆلاديمير بالاحونتسەۆ تە قىلمىستىق جاۋپكەرشىلىككە تارتىلعان بولاتىن. الايدا, وعان قاتىستى قىلمىستىق ءىس قىسقارتىلدى. تەمىر تورعا قامالعان شەنەۋنىك پەن كاسىپكەر سوت ۇكىمىمەن كەلىسپەي, اپپەلاتسيالىق شاعىم ءتۇسىردى. ءومىر ەسقالي. دەرەك: egemen.kz. سۋرەت: news.nur.kz.