فوتو: Polisia.kz
مادەنيەت جانە اقپارات مينيسترلىگى تاراپىنان مەملەكەتتىك تۋدى كولىككە ورنالاستىرعان ازامات اكىمشىلىك جاۋاپكەرشىلىككە تارتىلمايتىنى ايتىلعان.
ىشكى ىستەر مينيسترلىگى مەن ايماقتىق پوليتسيا دەپارتامەنتتەرىنىڭ تۇسىندىرۋىنشە, 16 جەلتوقساندا كولىك جۇرگىزۋشىلەرى تەك جول قوزعالىسى ەرەجەلەرىن بۇزعان جاعدايدا عانا توقتاتىلعان.
مەملەكەتتىك رامىزدەردى قولدانۋدىڭ زاڭمەن بەلگىلەنگەن ەرەجەلەرى بار. مادەنيەت جانە اقپارات مينيسترلىگى ولاردىڭ دۇرىس قولدانۋ ءتارتىبىن قاداعالايدى.
ء«بىز ازاماتتاردىڭ پاتريوتتىق سەزىمىن ءبىلدىرۋ, قازاقستاندىق بىرەگەيلىكتى ساقتاۋ, ەل مەن ازاماتتاردىڭ جەتىستىكتەرىن ناسيحاتتاۋ ماقساتىندا مەملەكەتتىك رامىزدەردى پايدالانۋىن قولدايمىز, بىراق ول قولدانىستاعى زاڭناما شەڭبەرىندە جۇزەگە اسۋى ءتيىس.
قازاقستاندا «زاڭ جانە ءتارتىپ» قاعيداسى ءتۇرلى جاعدايلار مەن ازاماتتىق بەلسەندىلىككە قاراماستان, بارلىعىنا بىردەي», دەلىنگەن مادەنيەت جانە اقپارات مينيسترلىگى تاراتقان حابارلامادا.
