ايلىق ەسەپتىك كورسەتكىش جىل ساناپ ءوسىپ كەلەدى
2024 جىلى 1 اەك مولشەرى 3 692 تەڭگە بولسا, بيىل 3 932 تەڭگەگە تەڭ. 2024 جىلمەن سالىستىرعاندا اەك 6,1 پايىزعا – 240 تەڭگەگە ءوستى. اەك-ءتىڭ اسەرى زەينەتاقى, جالاقى, الەۋمەتتىك جاردەماقىلارعا دا اسەر ەتەدى.
قازاقستانداعى 2025 جىلعا ارنالعان نەگىزگى كورسەتكىشتەر:
- مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى – 32 360 تەڭگە;
- ەڭ تومەنگى زەينەتاقى – 62 771 تەڭگە;
- ايلىق ەسەپتىك كورسەتكىش (اەك) – 3 932 تەڭگە;
- بازالىق الەۋمەتتىك تولەمدەردى ەسەپتەۋ ءۇشىن ەڭ تومەنگى كۇنكورىس دەڭگەيى 46 228 تەڭگە;
- ەڭ تومەنگى جالاقى (تجم) – 85 000 تەڭگە.
2025 جىلدان باستاپ جەكە تۇلعالار دەكلاراتسيا تاپسىرۋدان بوساتىلدى
2025 جىلعى 15 شىلدەدە قازاقستان پرەزيدەنتى № 208-VIII زاڭىنا قول قويدى. قۇجات سالىق كودەكسىنە وزگەرىستەر ەنگىزىپ, جالپىعا بىردەي دەكلاراتسيالاۋ ءتارتىبىن ناقتىلادى. 2025 جىلدىڭ 1 قاڭتارىنان باستاپ زەينەتكەرلەر, ستۋدەنتتەر, جەكە سەكتور قىزمەتكەرلەرى, ءۇي شارۋاسىنداعى ايەلدەر جانە باسقا دا ازاماتتار دەكلاراتسيا تاپسىرۋدان بوساتىلدى.
الايدا 2025 جىلى كىرىستەر مەن م ۇلىك تۋرالى دەكلاراتسيانى 270.00 نىسانى بويىنشا تاپسىرۋعا مىندەتتىلەر:
-
مەملەكەتتىك قىزمەتشىلەر مەن ولارعا تەڭەستىرىلگەن تۇلعالار جانە ولاردىڭ جۇبايلارى;
-
زاڭدى تۇلعالاردىڭ جارعىلىق كاپيتالىنداعى ۇلەسى 10%-دان اساتىن قۇرىلتايشىلار مەن اكتسيونەرلەر جانە ولاردىڭ جۇبايلارى;
-
نوتاريۋستار, ادۆوكاتتار, جەكە سوت ورىنداۋشىلارى, مەدياتورلار;
-
م ۇلىكتى جالعا بەرۋدەن, شەتەلدىك بانكتىك شوتتاردان نەمەسە تسيفرلىق اكتيۆتەردەن تابىس الاتىندار;
-
شەتەلدىك بانكتەردەگى 1000 اەك-تەن اساتىن (2025 جىلى 3 932 000 تەڭگە) قاراجاتى بار تۇلعالار;
-
شەتەلدە تىركەلگەن م ۇلىككە نەمەسە تسيفرلىق اكتيۆتەرگە يەلىك ەتەتىندەر;
-
قۇنى 20 000 اەك-تەن اساتىن (2025 جىلى 78 640 000 تەڭگە) م ۇلىك ساتىپ العاندار.
سالىق كودەكسىندەگى وزگەرىستەر
2025 جىلعى 18 شىلدەدە مەملەكەت باسشىسى جاڭا سالىق كودەكسىنە جانە سالىق زاڭناماسىنا تۇزەتۋلەر ەنگىزىلگەن ىلەسپە زاڭعا قول قويدى. قۇجات سالىقتىق اكىمشىلەندىرۋدى ەداۋىر جەڭىلدەتۋدى جانە سالىق جۇكتەمەسىن تومەندەتۋدى كوزدەيدى.
كوللاجدى جاساعان – قونىسباي شەجىمباي, «EQ»
جاڭا كودەكسكە سايكەس, ەسەپتىلىك كولەمى 30%-عا, سالىقتار سانى 20%-عا ازايادى. كامەرالدىق باقىلاۋ ەسكەرتۋ سيپاتىندا كەزەڭ-كەزەڭىمەن جۇرگىزىلەدى. سالىقتىق بەرەشەكتى ءوندىرىپ الۋ, كەيىنگە قالدىرۋ جانە ءبولىپ تولەۋ راسىمدەرى وڭتايلاندىرىلادى. از مولشەردەگى بەرەشەك بويىنشا بيزنەس شوتتارى بۇعاتتالمايدى, ەسكەرتۋ شارالارى قارىز كولەمىنە قاراي كەزەڭمەن قولدانىلادى.
نەگىزگى وزگەرىستەر:
- ققس بازالىق مولشەرلەمەسى – 16%, ققس:
- ءدارى-دارمەك پەن مەديتسينالىق قىزمەتكە 2026 جىلدان باستاپ 5%, 2027 جىلدان باستاپ 10%,
- وتاندىق مەرزىمدىك باسىلىمدى ساتۋ 10%-عا تومەندەتىلەدى,
- تمككك, ءمامس, ارحەولوگيا, كىتاپ باسىپ شىعارۋ ققس-تان بوساتىلادى,
- ققس بويىنشا مىندەتتى تىركەۋ شەگى 10 مىڭ اەك-كە (40 ملن تەڭگە) تومەندەتىلدى.
ءۇي كەزەگىنە تۇرۋعا بارلىق ازامات مۇمكىندىك الدى
پرەزيدەنت وتكەن جىلى قول قويعان تۇرعىن ءۇي ساياساتىن رەفورمالاۋ تۋرالى زاڭ بيىل 24 مامىردا كۇشىنە ەندى. الايدا قۇجاتتىڭ جەكەشەلەندىرۋگە قاتىستى نورمالارى بىلتىرعى 4 جەلتوقساندا قولدانىسقا ەنىپ, جۇرتشىلىق ونىڭ يگىلىگىن كورە باستادى.
جاڭا زاڭ ارقىلى تۇرعىن ۇيگە ەسەپكە قويۋ جۇيەلەنىپ, كەزەككە تۇرۋ جەڭىلدەتىلدى. ەندى ءۇيى جوق كەز كەلگەن ادام پاتەر كەزەگىنە تۇرا الادى. تابىسى تومەندەردىڭ ءۇي جالداۋ اقىسىنىڭ ءبىر بولىگى سۋبسيديالانادى, كەيبىر ازاماتتارعا جەڭىلدەتىلگەن يپوتەكا بەرىلەدى.
وزگەرىستىڭ ەڭ ۇلكەنى – كوپتەگەن ازاماتتى ۋايىمعا سالىپ كەلگەن ماسەلە شەشىلدى. تۇرعىن ءۇي قورىنان جالعا العان ءۇيدى جەكەشەلەندىرۋگە قۇقىق بەرىلدى.
تۇرعىن ۇيگە قاتىستى بۇرىنعى زاڭ بويىنشا باسپانا كەزەگىنە كوپبالالى وتباسىلار, جەتىم بالالار, I, II توپتاعى مۇگەدەك جاندار, مەملەكەتتىك قىزمەتشىلەر, بيۋدجەتتىك ۇيىمداردىڭ قىزمەتكەرلەرى سياقتى بەلگىلى ءبىر ساناتتاعى ادامدار تۇرا الاتىن ەدى.
جاڭا زاڭ كامەلەتكە تولعان ازاماتتارىمىزدىڭ بارىنە باسپانا كەزەگىنە تۇرۋعا مۇمكىندىك بەرىپ وتىر. نەگىزگى تالاپ – كەيىنگى 5 جىلدا باسپاناڭ بولماۋى قاجەت. ال استانا, الماتى, شىمكەنت قالالارىندا كەزەككە تۇرعىڭىز كەلسە, جوعارىداعى تالاپپەن بىرگە بۇل شاھارلاردا كەيىنگى 3 جىلدا تىركەۋدە تۇرعانىڭىزدى راستاۋعا ءتيىسسىز.
كوپتەن كۇتكەن قونىستوي: جۇرتشىلىق جاڭا زاڭنىڭ يگىلىگىن كورە باستادى
لگبت-نى ناسيحاتتاۋعا تىيىم سالاتىن زاڭنامالىق تۇزەتۋلەر
سەنات كۇنى كەشە لگبت-نى ناسيحاتتاۋعا تىيىم سالاتىن زاڭدى ماقۇلدادى. قۇجاتتا پەدوفيليا مەن ءداستۇرلى ەمەس جىنىستىق باعداردى ناسيحاتتايتىن اقپاراتتى قوعامدىق ورىنداردا, بۇقارالىق اقپارات قۇرالدارىندا, تەلەكوممۋنيكاتسيالىق جەلىلەردە جانە ونلاين-پلاتفورمالاردا تاراتۋعا شەكتەۋ قويۋ قاراستىرىلعان.
قوعامدىق ورىندا بەتتى تۇمشالاپ جۇرۋگە تىيىم سالىنادى
2025 جىلدىڭ 12 شىلدەسىنەن باستاپ قازاقستاندا بەت-الپەتتى تولىق جاباتىن كيىمگە تىيىم سالىندى. ەندى قوعامدىق ورىنداردا ادامنىڭ ءتۇرىن تانۋعا كەدەرگى كەلتىرەتىن نيقاب پەن پارانجا سياقتى كيىمدەردى كيۋگە بولمايدى.
ءماجىلىس مەملەكەت باسشىسىنىڭ تاپسىرماسى بويىنشا ازىرلەنگەن «قۇقىقبۇزۋشىلىق پروفيلاكتيكاسى تۋرالى» جاڭا زاڭدى ەكىنشى وقىلىمدا قابىلدادى. زاڭدا قۇقىقبۇزۋشىلىق پروفيلاكتيكاسى جۇيەسى كەڭەيتىلىپ, پروفيلاكتيكا سۋبەكتىلەرىنىڭ سانى 13-تەن 26-عا دەيىن ارتادى.
وعان وتباسىن قولداۋ ورتالىقتارى, ءموبيلدى توپتار, قامقورشىلىق ورگاندارى, باق, جاستار ءىسى جونىندەگى ورتالىقتار, ۋاكىلەتتى ورگاندار جانە كاسىپكەرلەر كىرەدى.
بەتتى جاۋىپ تۇراتىن كيىم (نيقاب) كيگەنى ءۇشىن قانداي اكىمشىلىك جازا قاراستىرىلعان؟
فونوگرامما قولدانۋعا تولىق تىيىم سالۋ
2025 جىلعى جەلتوقساندا مەملەكەت باسشىسى مادەنيەت, ءبىلىم بەرۋ, وتباسى جانە مەملەكەتتىك باقىلاۋ ماسەلەلەرىنە قاتىستى زاڭعا قول قويدى. تۇزەتۋلەردىڭ ەڭ وزەكتى تۇسى – كونتسەرتتەر كەزىندە فونوگرامما قولدانۋعا تولىق تىيىم سالۋ. جاڭا تالاپ 2025 جىلدىڭ 4 جەلتوقسانىنان باستاپ كۇشىنە ەندى. زاڭعا سايكەس, 200 ادامنان ارتىق جينالاتىن كونتسەرتتەردە فونوگرامما پايدالانۋعا بولمايدى. بۇل شەكتەۋ تەلەديدارلىق جازبالارعا نەمەسە ارنايى تەحنيكالىق جابدىقتالماعان ورىندارعا قاتىستى ەمەس.
قوعام پىكىرى: 2025 جىل قالاي ءوتتى؟
رەسپۋبليكالىق الەۋمەتتىك ساۋالناماعا ەلىمىزدىڭ ءار وڭىرىنەن مىڭ ادام قاتىستى.
ناتيجەسىندە:
-
37% – 2025 جىلدى «تابىستى» دەپ باعالاعان;
-
11% – ء«ساتسىز» دەپ ەسەپتەگەن;
-
52% – جىلدى تۇراقتى كەزەڭ رەتىندە سيپاتتاعان.
ەڭ ايتۋلى وقيعالار قاتارىندا تۇرعىندار ابايدىڭ 180 جىلدىعىن, جەڭىستىڭ 80 جىلدىعىن, كونستيتۋتسيا مەرەيتويىن, سونداي-اق «قايرات» پەن «رەال» اراسىنداعى فۋتبول ويىنىن, وتاندىق سپورتشىلاردىڭ جەتىستىكتەرى مەن الەمدىك جۇلدىزداردىڭ كونتسەرتتەرىن اتادى.
ساۋالناما: قازاقستان حالقىنىڭ 77 پايىزى پرەزيدەنتكە جوعارى دەڭگەيدە سەنىم ءبىلدىردى
