فوتو: اشىق دەرەككوز
مەرەكە قارساڭىندا الاياقتار بەلسەندى تۇردە ارەكەت ەتەدى. ولار قاۋىپتى فايلدار تىركەلگەن «جاڭاجىلدىق قۇتتىقتاۋلار» تاراتىپ, سونداي-اق باعاسى ادەيى تومەندەتىلگەن سىيلىقتار مەن تاۋارلار تۋرالى جالعان حابارلاندىرۋلار جاريالايدى.
اقشا اۋدارىلعاننان كەيىن بايلانىستى توقتاتادى. الاياقتار انيماتسياسى نەمەسە مۋزىكاسى بار قۇتتىقتاۋ جىبەرىپ, فايل ارقىلى پارولدەرگە, بانك كارتالارىنا جانە قوسىمشالارعا قول جەتكىزەدى. سونداي-اق نارىقتاعى باعادان ەداۋىر تومەن باعادا تاۋار نەمەسە سىيلىق ۇسىنادى. اقشانى شۇعىل تۇردە اۋدارۋعا كوندىرەدى. تولەم جاسالعان سوڭ حابارلاندىرۋدى ءوشىرىپ, جاۋاپ بەرمەيدى.
«الاياقتار ءجيى جالعان اككاۋنتتار مەن قولدان جاسالعان پىكىرلەردى پايدالانىپ, ءوزىن سەنىمدى ساتۋشى رەتىندە كورسەتەدى. سوندىقتان بەيتانىس ساتۋشىلارعا الدىن الا اقشا اۋدارماي, پىكىرلەر مەن اككاۋنتتىڭ تاريحىن مۇقيات تەكسەرۋ قاجەت. بەيتانىس ادامداردان كەلگەن فايلدار مەن سىلتەمەلەردى اشپاي, apk كەڭەيتىمى بار فايلداردى بىردەن وشىرگەنىڭىز ابزال», دەپ ەسكەرتتى ءىىم.
ايتا كەتەيىك, بۇعان دەيىن الاياقتار تۇرعىنداردى تۇزاققا ءتۇسىرۋدىڭ جاڭا ايلا-ءتاسىلىن ويلاپ تاپقانىن حابارلاعان ەدىك. قاسكۇنەمدەر جەتكىزۋ قىزمەتتەرىنىڭ, باسقارۋشى كومپانيالار جانە بانكتەردىڭ اتىنان ءارتۇرلى SMS-حابارلامالار جىبەرىپ, ازاماتتاردى وزدەرى قايتا قوڭىراۋ شالۋعا يتەرمەلەيدى.
