اتىراۋ. 11 مامىر. اتىراۋ وبلىسىندا گرانيت تاقتالارعا ەكىنشى دۇنيەجۇزىلىك سوعىستا قازا تاپقان, سونىمەن بىرگە, حابارسىز كەتكەن بوزداقتاردىڭ ەسىمى جازىلعان مەموريالدىق كەشەن اشىلدى. بۇل تۋرالى egemen.kz ءتىلشىسى حابارلادى.
مەموريالدىق كەشەن اتىراۋداعى «جەڭىس» ساياباعىندا ورنالاستىرىلدى. كەشەندە ورناتىلعان گرانيت تاقتالارعا ازىرگە 24 680 بوزداقتىڭ ەسىمى جازىلدى. وبلىس اكىمىنىڭ ورىنباسارى شىڭعىس مۇقاننىڭ ءمالىم ەتۋىنشە, اتىراۋدان ەكىنشى دۇنيەجۇزىلىك سوعىسقا 46 مىڭداي ادام اتتانعان. ولاردىڭ كوبى سوعىستا قازا تاۋىپ, حابارسىز كەتكەندەردىڭ تىزىمىندە تۇر. تۋعان ەلگە ورالماعانداردى ىزدەستىرۋ جالعاسا بەرەدى. سول سەبەپتەن, دەرەگى تابىلعانداردىڭ ەسىمىن جازۋ ءۇشىن تاقتالاردا بوس ورىن قالدىرىلدى.
جولداسبەك شوپەعۇل.
دەرەك: egemen.kz.
سۋرەت: راحىم قويلىباەۆ.
