ونەر يەسى 17 جەلتوقساندا قازۇمۋ-عا بارىپ, ۋنيۆەرسيتەتتىڭ ستۋدەنتتەرى مەن قىزمەتكەرلەرىمەن كەزدەستى. ءىس-شارا بارىسىندا ۋنيۆەرسيتەت رەكتورى مارات شورانوۆ ديماش قۇدايبەرگەننىڭ مادەنيەتتى دامىتۋعا, جاستاردىڭ رۋحاني-ادامگەرشىلىك تاربيەسىنە قوسقان ۇلەسىن جانە قازاقستاننىڭ حالىقارالىق ارەناداعى وڭ ءيميدجىن ناسيحاتتاۋداعى ەڭبەگىن اتاپ ءوتىپ, وعان ءتيىستى اتاقتى تابىستادى.
بولاشاق دارىگەرلەرگە ارناعان سوزىندە ديماش مەديتسينالىق ماماندىقتىڭ كۇردەلىلىگى مەن جاۋاپكەرشىلىگىن ەرەكشە اتاپ ءوتتى. ونىڭ ايتۋىنشا, مەديتسينا سالاسى ۇنەمى ءوزىن جەتىلدىرۋدى, جوعارى زەيىندى جانە ۇزدىكسىز ءبىلىم الۋدى تالاپ ەتەدى. سونداي-اق ول كۇن سايىن ادام ءومىرىن قۇتقارىپ جۇرگەن دارىگەرلەر ناعىز جۇلدىز اتانۋعا ابدەن لايىق ەكەنىن ايتتى.
كەش سوڭىندا ديماش قۇدايبەرگەن مەن قازۇمۋ ستۋدەنتتەرى جانە «دالا سازى» ۇلتتىق حالىق اسپاپتارى ءانسامبلىنىڭ مۇشەلەرى بىرلەسىپ ورتاق مۋزىكالىق ونەر كورسەتتى. ولار ساحنا مەن كورەرمەندى ءبىر ارناعا توعىستىرعان «اداي» كۇيىن كۇمبىرلەتىپ ورىندادى.
