قوستاناي وبلىسىنداعى كەن الىبىنا قولداۋ كورسەتىلدى

قوستاناي. 23 اقپان. «سوكولوۆ-سارىباي كەن ءوندىرۋ بىرلەستىگى» اكتسيونەرلىك قوعامى قىتايعا ءوز ءونىمىن جەڭىلدەتىلگەن تاريفپەن ارتاتىن بولادى. بۇل جونىندە alau.kz حابارلادى. داعدارىسقا بايلانىستى 2015 جىلعا مۇنداي شارالار وتاندىق كاسىپورىندار ءۇشىن قاراستىرىلعان. قوستاناي وبلىسىنداعى ەكسپورتقا ءونىم شىعاراتىن ەكى كاسىپورىن مەملەكەت تاراپىنان وسىنداي جەڭىلدىككە يە بولدى. ونىڭ ءبىرى كەن الىبى سوكولوۆ-سارىباي كەن ءوندىرۋ بىرەلەستىگى دە, ەكىنشىسى «اگروماشحولدينگ» زاۋىتى. تەمىرجول جەلىسى قىزمەتىن پايدالانعانى ءۇشىن ۋاقىتشا بەكىتىلگەن تومەنگى باعامەن «سسكوب» قىتايعا 1 920 مىڭ توننا شيك كەن ارتاتىن بولادى. مۇنداي جەڭىلدىككە قىتاي تەمىر جولى اكىمشىلىگىمەن كەلىسسوزگە قول جەتكىزىلەدى دەگەن جوسپار بار. جەڭىلدىكتى «اگروماشحولدينگ» زاۋىتى دا الادى. ول «كازاگروفينانس» اكتسيونەرلىك قوعامى ارقىلى مەملەكەتتىك باعدارلاماعا قاتىسۋشىلارعا 260 كومباين ساتاتىن بولادى. قوستاناي وبلىستىق كاسىپكەرلەر پالاتاسى سىرتقى ەكونوميكالىق ىنتىماقتاستىق ءبولىمىنىڭ باستىعى روبەرت يۋسۋپوۆ: «كاسىپورىناردى قولداۋ ءۇشىن قوستاناي وبلىستىق كاسىپكەرلەر پالاتاسى جىنە جەرگىىلكتى اتقارۋشى ورگان ۇسىنعان بارلىعى ونشاقتى شارا جۇزەگە اسىرىلادى. ولاردىڭ ىشىندە ءىرى يننوۆاتسيالىق-ينۆەستيتسيالىق مەملەكەتتىك باعدارلاما اياسىندا ءونىم شىعاراتىن بيزنەس نىساندارى ءۇشىن ەلەكتر ەنەرگەيسيا مەن تابيعي گازدىڭ باعاسىن قاراۋ بار. سونىمەن قاتار بيۋدجەت ينۆەستيتسيالىق جوبالاردى جۇزەگە اسىرعاندا جەرگىلىكتى تاۋارلار مەن قىزمەتتى پايدالانۋ ەسكەرىلگەن» دەدى. ءنازيرا جارىمبەتوۆا. دەرەك: alau.kz. سۋرەت: egemen.kz.