استانا. 22 اقپان. بۇكىلالەمدىك بوكس سەرياسىندا (WSB) ەل نامىسىن قورعايتىن «استانا ارلاندارى» بيىلعى ماۋسىمداعى التىنشى جەڭىسىنە قول جەتكىزدى. الماتى قالاسىندا وتكەن تارتىستا «ارلاندار» Argentina Condors كومانداسىنان 5:0 ەسەبىمەن باسىم ءتۇستى. بۇل تۋرالى egemen.kz ءتىلشىسى حابارلادى.
سايىس 52 كيلو سالماق دارەجەسىندەگى بوكسشىلاردىڭ جەكپە-جەگىمەن باستالدى. «استانا ارلاندارى» اتىنان شارشى الاڭعا كوتەرىلگەن ازامات يساقۇلوۆقا ريكاردو يباررا ەسىمدى ارگەنتينالىق بوكسشى قارسىلاس اتاندى. بارلىق كەزەڭدە ايقىن باسىمدىق تانىتقان «ارلانىمىز» 3:0 (50:44, 50:44, 50:44) ەسەبىمەن جەڭىسكە جەتتى.
كەلەسى 60 كيلو سالماق دارەجەسىندەگى ايقاس رومان ششەگرينوۆ پەن برايان نۋنەس اراسىندا ءوتتى. بۇل جولى برايان الدىڭعى ارىپتەسىنىڭ ەسەسىن قايتارماق بولىپ العا ۇمتىلعانىمەن, روماننىڭ قورعانىسىن بۇزا المادى. ساۋاتتى بوكستاسىپ, ءار سوققىسىن اقىلمەن جۇمساي بىلگەن بوكسشىمىز 3:0 (50:45, 50:45, 49:46) ەسەبىمەن ايقىن باسىمدىق تانىتتى.
بۇل جەكپە-جەكتە وتاندىق جانكۇيەرلەردىڭ اسىعا كۇتكەن ايقاسى 69 كيلو سالماق دارەجەسىندەگى تارتىس ەدى. سەبەبى, ءدال وسى سالماقتا بوكستان ۇلتتىق قۇرامانىڭ كاپيتانى دانيار ەلەۋسىنوۆ شارشى الاڭعا شىقتى. بەس راۋند بويى شەبەرلىگىن پاش ەتكەن دانيار قارسىلاسى لۋيس ۆەروندى 3:0 (50:45, 49:46, 50:45) ەسەبىمەن جەڭدى.
قالعان ەكى جەكپە-جەكتە دە «ارلاندارىمىز» جوعارى دەڭگەيدە جۇدىرىقتاستى. ناقتى ايتار بولساق, قازاقستاندىق كوماندا ساپىنداعى حورۆاتيالىق لەگيونەر حرۆوە سەپ (81 كيلو) ارگەنتينادان كەلگەن بوكسشى حوسۋە وليۆەرانى 3:0 (49:46, 50:45, 49:46) ەسەبىمەن جەڭسە, ونىڭ وتانداسى فيليپپ حرگوۆيچ (+91 كيلو) قارسىلاسى كارلوس ورتەگانى 2-راۋندتا تەحنيكالىق نوكاۋتپەن تىزە بۇكتىردى.
وسى جەڭىسىنەن كەيىن «استانا ارلاندارى» 18 ۇپايمەن «ۆ» توبىندا كوش باستاپ تۇر. توپتاعى باستى قارسىلاسىمىز «اقش نوكاۋتشىلارىنىڭ» قورجىنىندا 15 ۇپاي بار. مارات جاكيەۆتەن ءتالىم الاتىن «ارلاندار» كەلەسى جەكپە-جەگىن 28 اقپان كۇنى الماتىدا يتاليا بوكسشىلارىنا قارسى وتكىزەدى.
ەلامان قوڭىر.
دەرەك: egemen.kz.
سۋرەت: worldseriesboxing.com.
استانا. 22 اقپان. بۇكىلالەمدىك بوكس سەرياسىندا (WSB) ەل نامىسىن قورعايتىن «استانا ارلاندارى» بيىلعى ماۋسىمداعى التىنشى جەڭىسىنە قول جەتكىزدى. الماتى قالاسىندا وتكەن تارتىستا «ارلاندار» Argentina Condors كومانداسىنان 5:0 ەسەبىمەن باسىم ءتۇستى. بۇل تۋرالى egemen.kz ءتىلشىسى حابارلادى.
سايىس 52 كيلو سالماق دارەجەسىندەگى بوكسشىلاردىڭ جەكپە-جەگىمەن باستالدى. «استانا ارلاندارى» اتىنان شارشى الاڭعا كوتەرىلگەن ازامات يساقۇلوۆقا ريكاردو يباررا ەسىمدى ارگەنتينالىق بوكسشى قارسىلاس اتاندى. بارلىق كەزەڭدە ايقىن باسىمدىق تانىتقان «ارلانىمىز» 3:0 (50:44, 50:44, 50:44) ەسەبىمەن جەڭىسكە جەتتى.
كەلەسى 60 كيلو سالماق دارەجەسىندەگى ايقاس رومان ششەگرينوۆ پەن برايان نۋنەس اراسىندا ءوتتى. بۇل جولى برايان الدىڭعى ارىپتەسىنىڭ ەسەسىن قايتارماق بولىپ العا ۇمتىلعانىمەن, روماننىڭ قورعانىسىن بۇزا المادى. ساۋاتتى بوكستاسىپ, ءار سوققىسىن اقىلمەن جۇمساي بىلگەن بوكسشىمىز 3:0 (50:45, 50:45, 49:46) ەسەبىمەن ايقىن باسىمدىق تانىتتى.
بۇل جەكپە-جەكتە وتاندىق جانكۇيەرلەردىڭ اسىعا كۇتكەن ايقاسى 69 كيلو سالماق دارەجەسىندەگى تارتىس ەدى. سەبەبى, ءدال وسى سالماقتا بوكستان ۇلتتىق قۇرامانىڭ كاپيتانى دانيار ەلەۋسىنوۆ شارشى الاڭعا شىقتى. بەس راۋند بويى شەبەرلىگىن پاش ەتكەن دانيار قارسىلاسى لۋيس ۆەروندى 3:0 (50:45, 49:46, 50:45) ەسەبىمەن جەڭدى.
قالعان ەكى جەكپە-جەكتە دە «ارلاندارىمىز» جوعارى دەڭگەيدە جۇدىرىقتاستى. ناقتى ايتار بولساق, قازاقستاندىق كوماندا ساپىنداعى حورۆاتيالىق لەگيونەر حرۆوە سەپ (81 كيلو) ارگەنتينادان كەلگەن بوكسشى حوسۋە وليۆەرانى 3:0 (49:46, 50:45, 49:46) ەسەبىمەن جەڭسە, ونىڭ وتانداسى فيليپپ حرگوۆيچ (+91 كيلو) قارسىلاسى كارلوس ورتەگانى 2-راۋندتا تەحنيكالىق نوكاۋتپەن تىزە بۇكتىردى.
وسى جەڭىسىنەن كەيىن «استانا ارلاندارى» 18 ۇپايمەن «ۆ» توبىندا كوش باستاپ تۇر. توپتاعى باستى قارسىلاسىمىز «اقش نوكاۋتشىلارىنىڭ» قورجىنىندا 15 ۇپاي بار. مارات جاكيەۆتەن ءتالىم الاتىن «ارلاندار» كەلەسى جەكپە-جەگىن 28 اقپان كۇنى الماتىدا يتاليا بوكسشىلارىنا قارسى وتكىزەدى.
ەلامان قوڭىر.
دەرەك: egemen.kz.
سۋرەت: worldseriesboxing.com.
