كەزدەسۋ بارىسىندا تاراپتار قازاقستان – كورەي ىنتىماقتاستىعىنىڭ اعىمداعى ماسەلەلەرى مەن ودان ءارى دامۋ پەرسپەكتيۆالارىن تالقىلادى.
ماشينا جاساۋ, اقپاراتتىق تەحنولوگيالار, اۋىل شارۋاشىلىعى, ت.ب. سالالارداعى بىرلەسكەن ينۆەستيتسيالىق جوبالاردىڭ تابىستى ىسكە اسىرىلعانى اتالىپ ءوتتى.
ء«بىز كورەيا رەسپۋبليكاسىمەن ستراتەگيالىق سەرىكتەستىك ناتيجەسىندە قول جەتكىزگەن جەتىستىكتەرىمىزدى جوعارى باعالايمىز. جاڭا جۇمىس ورىندارىن قۇردىق, تىڭ يننوۆاتسيالاردى ەنگىزىپ, وندىرىستىك جوبالاردى كەڭەيتتىك», دەدى ر.سكليار.
ءوز كەزەگىندە كورەيا رەسپۋبليكاسىنىڭ ەلشىسى چجو تە-يك قازاقستان باسشىلىعىنا قولداۋ مەن ىنتىماقتاستىعى ءۇشىن العىس ايتىپ, ەكونوميكانىڭ ءارتۇرلى سالاسىنداعى قارىم-قاتىناستاردى نىعايتۋدىڭ ماڭىزدىلىعىنا توقتالدى. ەلشى, سونداي-اق, ەلىمىزدى حالىقارالىق اتوم ەنەرگياسى اگەنتتىگىنە قابىلدانۋىمەن قۇتتىقتادى. قازاقستان ۋران سالاسىنداعى ماڭىزدى ويىنشى ەكەنىن اتاپ وتكەن ديپلومات اتوم ەلەكتر ستانساسىن سالۋدا ساتتىلىك تىلەدى.
كەزدەسۋ سوڭىندا رومان سكليار ەلشى چجو تە-يككە قازاق-كورەي قارىم-قاتىناسىن دامىتۋعا قوسقان جەكە قىزمەتىنە العىس ايتىپ, ديپلوماتيالىق مانسابىنا تابىس تىلەدى.
