قازاقستان جاڭارتىلعان ەنەرگەتيكا سالاسىندا الەمدىك ينۆەستورلار ءۇشىن تارتىمدى الاڭ رەتىندەگى پوزيتسياسىن نىعايتىپ كەلەدى.
2025 جىلدىڭ 3-توقسانىنىڭ قورىتىندىسى بويىنشا تازا گەنەراتسيانىڭ ۇلەسى ەلەكتر ەنەرگياسىن ءوندىرۋدىڭ جالپى كولەمىنىڭ 7%-ىنان استى, ال جەك نىساندارىنىڭ جالپى سانى 159 ستانتسياعا جەتتى.
«2025 جىلى جەك سالاسىندا جيىنتىق بەلگىلەنگەن قۋاتى 266 مۆت بولاتىن بىرقاتار ماڭىزدى جوبالار ىسكە اسىرىلدى. قاراعاندى وبلىسى مەن ۇلىتاۋ وڭىرىندە جاڭا جەل ەلەكتر ستانتسيالارى, سونداي-اق قىزىلوردا جانە ماڭعىستاۋ وبلىستارىندا كۇن ەلەكتر ستانتسيالارى پايدالانۋعا بەرىلدى. بۇل نىساندار قازىردىڭ وزىندە جۇمىس ىستەپ, ەلدىڭ ەنەرگوجۇيەسىنە ءوز ۇلەسىن قوسۋدا», دەدى ەرلان اككەنجەنوۆ.
سالانىڭ دامۋىنداعى ماڭىزدى كەزەڭدەردىڭ ءبىرى – ەنەرگيانى جيناقتاۋ جۇيەلەرىمەن جابدىقتالعان گيگاۆاتتىق دەڭگەيدەگى جەل ەلەكتر ستانتسياسىن سالۋعا ارنالعان العاشقى ءىرى اۋكتسيوننىڭ وتكىزىلۋى بولدى. بۇل جوبانى ىسكە اسىرۋ نەعۇرلىم يكەمدى ءارى تۇراقتى ەنەرگوجۇيە قالىپتاستىرۋعا جول اشىپ, نارىقتىڭ اۋقىمدى باستامالار مەن زاماناۋي تەحنولوگيالىق شەشىمدەرگە دايىن ەكەنىن راستادى.
