فوتو: اشىق دەرەككوز
The Sun باسىلىمىنىڭ حابارلاۋىنشا, اعىلشىن جانكۇيەرلەرى انگليا فۋتبول قاۋىمداستىعىنىڭ توراعاسى مەن باس ديرەكتورىنا حات جولداپ, شۇعىل شارا قولدانۋدى تالاپ ەتكەن.
بولجام بويىنشا, فينالدىق ويىنعا ارنالعان ەڭ ارزان بيلەتتىڭ ءوزى اعىلشىن جانكۇيەرلەرىنە 3 128 فۋنت ستەرلينگكە (2,1 ميلليون تەڭگە) تۇسپەك.
ايتا كەتەيىك, 2026 جىلعى الەم چەمپيوناتى تاريحتاعى ەڭ اۋقىمدى تۋرنير بولماق. ادەتتەگى 32 قۇرامانىڭ ورنىنا اقش, كانادا جانە مەكسيكا ارەنالارىندا 48 ۇلتتىق كوماندا باق سىنايدى.
تۋرنير 2026 جىلدىڭ 11 ماۋسىمىندا مەكسيكاداعى اتاقتى «اتستەكا» ستاديونىندا باستالادى. العاشقى ويىندا مەكسيكا مەن وڭتۇستىك افريكا رەسپۋبليكاسى قۇرامالارى كەزدەسەدى. الەم چەمپيونى 2026 جىلدىڭ 19 شىلدەسىندە نيۋ-يوركتەگى (اقش) «مەتلايف» ستاديونىندا وتەتىن شەشۋشى ماتچتا انىقتالادى. جاقىندا عانا ءتۋرنيردىڭ جەرەبە تارتۋ ءراسىمى وتكەن بولاتىن.
