قازگيدرومەت مالىمەتىنشە, بۇگىن يندەر اۋدانىندا جەلدىڭ ەكپىنى 30 م/س-قا, اتىراۋ قالاسىندا 24 م/س-قا دەيىن جەتكەن. تۇندە وبلىس بويىنشا جەل 23–28 م/س-قا كۇشەيىپ, ەرتەڭ كۇندىز 18 م/س, كەشكە قاراي 15–18 م/س بولادى دەپ كۇتىلۋدە. سول سەبەپتى بارلىق قىزمەت كۇشەيتىلگەن رەجيمدەگى جۇمىستى جالعاستىرۋدا.
توتەنشە جاعدايلار دەپارتامەنتى ۇشقان شاتىرلاردى جيناۋ جانە دەمونتاج جۇمىستارىن ۇيىمداستىردى, اۆتوجولداردىڭ جەكەلەگەن ۋچاسكەلەرى جابىلدى, تاسجولدارعا كەزەكشىلىك قويىلىپ, جىلىنۋ قوسىندارى اشىلدى جانە قۇتقارۋ بريگادالارى جۇمىلدىرىلدى.
وبلىس اۋداندارىندا بىرقاتار نىسانعا زاقىم كەلگەن. يندەر اۋدانىندا 6 نىساننىڭ شاتىرى ءب ۇلىنىپ, ەلەكترمەن جابدىقتاۋدى قالپىنا كەلتىرۋ جۇمىستارىنا 7 بريگادا مەن 8 تەحنيكا تارتىلعان. ماقات اۋدانىندا مەكتەپتىڭ شاتىرى بۇزىلعان, ەلەكتر جەلىلەرىن قالپىنا كەلتىرۋگە 6 اپاتتىق بريگادا جۇمىلدىرىلدى. ماحامبەت اۋدانىندا ەكى نىسان — اۋداندىق ەمحانا مەن 60 پاتەرلى تۇرعىن ءۇيدىڭ شاتىرلارىنا زيان كەلىپ, 5 بريگادا جۇمىس ىستەۋدە. قۇرمانعازى اۋدانىندا مەكتەپ, مادەنيەت ءۇيى, امبۋلاتوريا جانە سپورت زالىنا زارداپ تيگەن. اتىراۋ قالاسىندا 7 نىساننىڭ شاتىرى مەن قاسبەتى ب ۇلىنگەن. يساتاي جانە قىزىلقوعا اۋداندارىندا جاعداي تۇراقتى, كۇشتى جەلدىڭ ايتارلىقتاي زيانى تىركەلمەگەن.
سەرىك شاپكەنوۆ ب ۇلىنگەن نىسانداردى جەدەل وقشاۋلاپ, ادامداردىڭ قاۋىپتى اۋماقتارعا كىرۋىنە جول بەرمەۋدى, سونداي-اق پوليتسيا ورگاندارىمەن بىرگە ۇشقان شاتىرلاردى ۋاقىتىندا جيناۋ جانە دەمونتاج جۇمىستارىن ايرىقشا باقىلاۋدا ۇستاۋدى تاپسىردى.
ب ۇلىنگەن نىسانداردىڭ اكىمشىلىگىنە جانە سالالىق باسقارمالارعا الەۋمەتتىك نىسانداردى قالىپقا كەلتىرۋ بويىنشا الدىن الا ەسەپتەردى دەرەۋ دايىنداۋ, وعان رەزەرۆتىك قوردان قاجەتتى قاراجات ءبولۋدى قاراستىرۋ, ال كەپىلدىك مەرزىمى اياقتالماعان نىسانداردى جوندەۋدى مەردىگەر ۇيىمداردىڭ كەپىلدىك مىندەتتەمەلەرى اياسىندا قامتاماسىز ەتۋ جۇكتەلدى.
“اتىراۋ جارىق” جشس مالىمەتىنشە, وبلىس بويىنشا 105 نۇكتەدە ەلەكتر جارىعىنىڭ ءسونۋى تىركەلگەن. نەگىزگى سەبەپ — سىمداردىڭ ءۇزىلۋى جانە ءبىر-بىرىمەن ايقاسۋى. اقاۋلاردى جويۋعا 40 بريگادا جۇمىلدىرىلعان, ونىڭ 11-ءى اتىراۋ قالاسىندا. قالىپقا كەلتىرۋ جۇمىستارى تاۋلىك بويى ءجۇرىپ جاتىر, 85 پايىزى اياقتالدى.
وبلىس اكىمى ديسپەتچەرلىك قىزمەتتەردىڭ جۇمىسىن كۇشەيتۋدى جانە قالىپقا كەلتىرۋ جۇمىستارىنىڭ مەرزىمى جايىندا تۇرعىنداردى ۋاقىتىندا حاباردار ەتىپ وتىرۋدى تاپسىردى. سونداي-اق اۆتوجولدارداعى قوزعالىس شەكتەۋلەرىنىڭ ساقتالۋىنا باقىلاۋدى كۇشەيتۋ, حالىق اراسىندا ءتۇسىندىرۋ جۇمىستارىن جۇرگىزۋ, تاسجولداردا ۋاقىتشا توقتاپ تۇرعان جۇرگىزۋشىلەر مەن جولاۋشىلاردى ىستىق تاماقپەن قامتاماسىز ەتۋدى ۇيىمداستىرۋ جۇكتەلدى.
— بالالاردىڭ قاۋىپسىزدىگىن قامتاماسىز ەتۋ ماقساتىندا ءبىلىم بەرۋ نىساندارىن اۋا رايى تۇراقتالعانشا ونلاين وقىتۋ فورماتىنا كوشىرۋ قاجەت. بۇعان قوسا, جەلدىڭ كۇشەيۋىنە بايلانىستى ءب ۇلىنۋ قاۋپى بار عيماراتتار مەن قۇرىلىستارعا تۇراقتى مونيتورينگ جۇرگىزىلۋى ءتيىس. ۇيىم باسشىلارىنا تاۋلىك بويى كەزەكشىلىك ۇيىمداستىرۋدى تاپسىرامىن, — دەدى وبلىس اكىمى.
قازگيدرومەت بولجامىنا سايكەس, 15 جەلتوقساننىڭ كەشىنە دەيىن بوران سوعادى.
