قىتايدا پۋتين تۋرالى كليپتى كورۋشىلەر كۇرت كوبەيىپ كەلەدى (ۆيدەو)

استانا. 11 مامىر. قحر ليدەرى سي ءتسزينپيننىڭ رەسەيگە ساپار شەگۋى قارساڭىندا قىتايدا رەسەي مەن ونىڭ «سۇيكىمدى» پرەزيدەنتى ۆلاديمير پۋتين تۋرالى جۇرتتىڭ بىلدىرگەن پىكىرلەرىن كورسەتەتىن ۆيدەوروليك جارىققا شىقتى. بۇل تۋرالى نەمىستىڭ Suddeutsche Zeitung گازەتى حابارلادى. باسىلىمدا جازىلعانداي, رەسەيدىڭ «سۇيكىمدى» پرەزيدەنتى قازىر قحر-دا وراسان زور بەدەلگە يە. روليكتى ءتۇسىرۋشى توپ سۇحبات العان جۇرتتىڭ ءبارى ءبىر اۋىزدان رەسەيدى «وتە كۇشتى ليدەر» باسقارىپ وتىرعانىنا ەش كۇماندانبايدى. سۇراۋ سالىنعانداردىڭ باسىم بولىگى ۆلاديمير پۋتين ەلدى باسقارعالى بەرى «قحر مەن رف اراسىندا قارىم-قاتىناستىڭ مەيلىنشە تىعىز جانە ۇيلەسىمدى بولا تۇسكەنىنە» سەنىمدى. قىتايدىڭ بىرقاتار تۇرعىندارى سونىمەن قاتار رەسەي باسشىسىنىڭ قازىرگى كەزدە قايراتى جاعىنان وتە كەرەمەت ەكەنىنە توقتالادى. سۇحبات بەرۋ بارىسىندا قحر تۇرعىندارى سونداي-اق ءپۋتيندى 9 مامىر مەرەكەسىمەن قۇتتىقتاپ, «موسكۆا-پەكين», «كاتيۋشا» جانە «تاكوگو, كاك پۋتين» دەگەن اندەردى ايتقان. ۆيدەوروليككە قاتىسۋشىلار بۇدان بولەك, «رەسەيدىڭ ارحيتەكتۋراسى قىزىقتى», «مۋزىكاسى وزگەشە» دەگەندى جەتكىزگەن. ال ءبىر ايەل ءتىپتى «ورىستىڭ مادەنيەتى مەنىڭ جانىما بالا شاعىمنان جاقىن» دەگەندى بىلدىرگەن. روليك قىتاي ليدەرى سي ءتسزينپيننىڭ ماسكەۋگە جەڭىس كۇنىن تويلاۋ ءۇشىن ءجۇرۋى قارساڭىندا دايىندالعان. قايرات ق ۇلىمبەت. دەرەك, سۋرەت: Suddeutsche Zeitung. https://youtu.be/W81rNfsZK2k