گالينا ۆيشنەۆسكايا كۇمىس جۇلدەگەر اتاندى

استانا. 21 اقپان. ەلىمىزدىڭ سپورتشىسى گالينا ۆيشنەۆسكايا بەلارۋس استاناسى مينسكىدە ءوتىپ جاتقان بياتلوننان جاستار اراسىنداعى الەم چەمپيوناتىندا كۇمىس جۇلدەگە قول جەتكىزدى. بۇل تۋرالى egemen.kz حابارلادى. ەكى اينالىمنان تۇراتىن سپرينتەرلىك سايىستا (7,5 شاقىرىم) باق سىناعان وتانداسىمىز جارىس جەڭىمپازى فرانتسيالىق لەنا ارنودان 2,4 (0+0) سەكۋندقا قالىپ قويدى. لەنا ارنو جارىس جولىن 20 مينۋت 40,6 (0+0) سەكۋندتا ءجۇرىپ وتكەن ەدى. ال ۇزدىك ۇشتىكتى تاعى ءبىر فرانتسۋز بياتلونشىسى حلوە شەۆالە تۇيىندەدى. ول مارەگە جەڭىمپازدان 13,1 (0+0) سەكۋند كەشىگىپ جەتتى. وسى سىندا ەل نامىسىن قورعاعان تاعى باسقا سپورتشىلارىمىز ۆيكتوريا باجەنوۆا (+3:12,1 (1+1)) مەن ۆالەنتينا ساۋلەنكو (+4:27,5 (2+2)) سايكەسىنشە, 48 جانە 58-ورىنداردى مىسە تۇتتى. بۇل گالينانىڭ بەلارۋس ەلىندە ءوتىپ جاتقان الەم چەمپيوناتىنداعى ەكىنشى جۇلدەسى. 17 اقپاندا باستالعان جارىستىڭ ءۇشىنشى كۇنى ول 12,5 شاقىرىمعا سوزىلعان جەكەلەي سىندا قولا جۇلدەگەر اتانعان ەدى. مينسكىدەگى سايىس 24 اقپان كۇنى اياقتالادى. ەلامان قوڭىر. دەرەك: egemen.kz. سۋرەت: sports.ru.