اۋە قاتىناسى اپتاسىنا ەكى رەت بولادى, اراعا Airbus A320 لاينەرى قاتىناماق. جاڭا باعىت بويىنشا بيلەت قۇنى ورالدان تاشكەنتكە 40 مىڭ تەڭگەدەن, كەرى باعىتتا 55 مىڭ تەڭگەدەن باستالادى. بيلەتتەر اۋەكومپانيانىڭ سايتىندا قازىردىڭ وزىندە ساتىلا باستادى.
ورالدىق جولاۋشىلار ەندى تاشكەنت ارقىلى ىڭعايلى ترانزيتتىك مۇمكىندىكتەردى دە پايدالانا الادى: ساياحاتشىلار بولاشاقتا مارشرۋتتى دۋباي, دەنپاسار (بالي), سەۋل, دوحا, ىستىقكول, دەلي, مالە جانە Centrum Air-ءدىڭ مارشرۋتتىق جەلىسىندەگى باسقا تانىمال حالىقارالىق باعىتتارعا وڭاي جالعاستىرىپ كەتە بەرمەك.
«مەرەكە كۇندەرىن اسەرلى ساياحاتقا جالعاۋ ءۇشىن اۋەكومپانيامەن كەلىسىم جاساپ, قوسىمشا ەكى كۇنگە – 23 جانە 25 ناۋرىزعا بيلەت ساتىلا باستادى. ءبىز قولجەتىمدى كۇندەر سانىن كوبەيتەمىز, سول ارقىلى ءسىز دەمالۋ مۇمكىندىگىڭىزدى ارتتىراسىز», دەيدى اۋەجاي اكىمدىگى.
ارينە, ورال اۋەجايىنىڭ بۇل جاڭا باعىتى قازاقستان مەن وزبەكستان اراسىنداعى ىنتىماقتاستىقتى ودان ءارى دامىتىپ, حالىقارالىق ءتۋريزمدى قول جەتىمدى جانە ىڭعايلى ەتەرى انىق.
