فوتو: istockphoto.com
جاس عالىمدار كونگرەسىندە ءسوز سويلەگەن وقۋ-اعارتۋ ءمينيسترى جۇلدىز سۇلەيمەنوۆا مەكتەپتەگى جاراتىلىستانۋ پاندەرىنىڭ بىرىكتىرىلۋىنە قاتىستى پىكىر ءبىلدىردى.
«جاس عالىمدار كونگرەسىندە ءبىر سۇراققا نۇكتە قويعىم كەلەدى. قازىر قوعامدا جاراتىلىستانۋ ءپانىن قوسىپ وقىتۋعا بايلانىستى فيزيكا, حيميا جانە بيولوگيانى ءبىر پانگە بىرىكتىرۋ تۋرالى قىزۋ تالقىلاۋ ءجۇرىپ جاتىر. وقۋ-اعارتۋ مينيسترلىگى بۇل ماسەلەدە ءوز ۇستانىمىن ناقتى ايقىندادى. اتالعان پاندەر كىرىكتىرىلمەيتىن بولدى. فيزيكا, حيميا جانە بيولوگيا جەكە ءپان رەتىندە وقىتىلادى. ءبىزدىڭ ماقساتىمىز – مەكتەپ جاسىندا وقۋشىلاردىڭ بويىنا فۋندامەنتالدى بلوكتى تەرەڭ ءارى جۇيەلى مەڭگەرۋگە تولىق جاعداي جاساۋ. پاندەردى بىرىكتىرۋ رەفورماسى بۇگىننەن باستاپ توقتاتىلادى. فيزيكا, حيميا جانە بيولوگيا ارقايسى جەكە ءپان رەتىندە ءوز مارتەبەسىن ساقتايدى», دەدى مينيستر.
