فوتو: Oqu-agartu ministrligi
بۇل ءتارتىپ ۋاكىلەتتى ورگانعا مەملەكەتتىك بيۋدجەتتەن قارجىلاندىرىلاتىن ۇيىمداردى قىزمەتى باستالار الدىندا جانە ونى كورسەتۋ بارىسىندا كەنەتتەن تەكسەرۋگە قۇقىق بەرەدى.
وقۋ-اعارتۋ مينيسترلىگىنە قاراستى بالالاردىڭ قۇقىقتارىن قورعاۋ كوميتەتىنىڭ توراعاسى ناسىمجان وسپانوۆانىڭ ايتۋىنشا, كەنەتتەن تەكسەرۋلەردى ەنگىزۋ بالالاردىڭ قورعالۋىن, مەملەكەتتىك باقىلاۋدى كۇشەيتەدى.
«ەندى ۋاكىلەتتى ورگان ناقتى بۇزۋشىلىقتار تۋرالى سيگنال تۇسكەن جاعدايدا ءوز شەشىمىمەن تەكسەرۋ تاعايىنداپ, نىسانعا دەرەۋ شىعا الادى. سيگنال تۇسكەن كەزدە نىسانعا جوسپاردان تىس تەكسەرۋ جۇرگىزىلەدى», دەدى ن.وسپانوۆا.
ايتا كەتەيىك, 4 جەلتوقساندا مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مادەنيەت, ءبىلىم بەرۋ, وتباسى جانە مەملەكەتتىك باقىلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى. جاڭا نورمالار 2026 جىلى 1 اقپاندا كۇشىنە ەنەدى.
