قازاقستان مەن اقش قۇقىقتىق جاعىنان ءوزارا كومەككە كەلەدى

استانا. 21 اقپان. كەشە قازاقستان رەسپۋبليكاسىنىڭ باس پروكۋرورى اسحات داۋىلباەۆتىڭ قۇراما شتاتتارعا ساپارى شەڭبەرىندە اقش باس پروكۋرورىنىڭ ورىنباسارى بريۋس شۆارتسپەن كەزدەستى. ونىڭ قورىتىندىسىندا ەكى ەلدىڭ باس پروكۋراتۋراسى اراسىندا قىلمىستىق ىستەر بويىنشا ءوزارا قۇقىقتىق كومەك تۋرالى شارتقا قول قويىلدى. بۇل تۋرالى قازاقستان باس پروكۋراتۋراسىنىڭ ءباسپاسوز قىزمەتى حابارلادى. كەلىسسوزدەر بارىسىندا تاراپتار قۇقىقتىق ىنتىماقتاستىقتىڭ بارلىق باعىتتارى بويىنشا ەكىجاقتى قارىم-قاتىناستى ودان ءارى تەرەڭدەتۋگە, سونداي-اق قالىپتاسقان ارىپتەستىكتى ودان ءارى دامىتۋ ءۇشىن شارتتىق-قۇقىقتىق نەگىزدى نىعايتۋعا ءوزارا مۇددەلىلىك ءبىلدىردى. سۇحباتتاسۋشىلار زورلىق ەكسترەميزمگە قارسى ءىس-ارەكەت جاساۋ بويىنشا بولىپ وتكەن سامميت جونىندە پىكىر الماستى. تاراپتار وسىنداي عالامدىق فورۋمنىڭ وتكىزىلۋى جاڭا الەمنىڭ قاۋىپ-قاتەرلەرىنىڭ الدىن-الۋ بويىنشا ءتيىستى شارالار دايىنداۋدا ەلەۋلى قادام بولىپ سانالاتىنىن اتاپ ءوتتى. سونداي-اق تاراپتار ۆەدومستۆوارالىق قارىم-قاتىناستى ودان ءارى كەڭەيتۋگە, قازاقستان جانە اقش قۇقىقتىق جۇيەلەرى اراسىنداعى ىنتىماقتاستىقتى جوعارى دەڭگەيگە جەتكىزۋگە دايىن ەكەندىكتەرىن ءبىلدىردى. قىلمىستىق ىستەر بويىنشا ءوزارا قۇقىقتىق كومەك تۋرالى شارتقا قول قويۋ قازاقستان باس پروكۋرورى ا.داۋىلباەۆتىڭ اقش-قا جاساعان ساپارىنىڭ قورىتىندىسى بولدى. بۇل - امەريكا قۇراما شتاتتارىنىڭ ورتالىق ازيا ەلدەرىمەن قول قويعان وسى سيپاتتاعى العاشقى كەلىسىمى. تاراپتار اتاپ وتكەندەي, قۇجاتقا قول قويۋ قىلمىستىلىققا قارسى تۇرۋ سالاسىنداعى ەكىجاقتى ارىپتەستىكتى نىعايتۋداعى ماڭىزدى قادام ەكەندىگىن, ەكى جاقتىڭ دا قىلمىستىق-قۇقىقتىق سالاداعى قۇزىرەتتى ورگاندارىنىڭ جۇمىس تيىمدىلىگىن ارتتىرۋعا ىقپالداستىق ەتەتىن بولادى. قازاقستان باس پروكۋرورى كەلىسىمگە قول قويۋدىڭ قازاقستاندىق-امەريكالىق قۇقىقتىق ىنتىماقتاستىقتى نىعايتۋداعى, قىلمىسپەن كۇرەسۋدەگى ەكى ەلدىڭ كۇشتەرىن جۇمىلدىرۋداعى تاريحي ماڭىزدى ءارى ەلەۋلى وقيعا بولىپ تابىلاتىنىن اتاپ كورسەتتى. قىلمىستىق ىستەر بويىنشا ءوزارا قۇقىقتىق كومەك كورسەتۋ قىلمىسپەن كۇرەسۋدەگى ماڭىزدى ەلەمەنت بولىپ تابىلادى جانە ءوزارا ىقپالداستىقتى تەرەڭدەتۋدە كەڭ مۇمكىندىكتەر اشادى. قازاقستان جانە اقش قۇقىق قورعاۋ ورگاندارى اراسىندا قازىرگى تاڭدا ساپالى جاعىنان جاڭا دەڭگەيگە كوتەرىلىپ وتىرعان ءوزارا ءتيىمدى ىنتىماقتاستىقتىڭ ديناميكالىق تاجىريبەسى قالىپتاسقان. سوندىقتان دا وسى وقيعا قازاقستاننىڭ قۇقىقتىق جۇيەسىنە دەگەن سەنىمنىڭ ارتۋىنىڭ, ەلدەگى دەموكراتيالىق ينستيتۋتتاردى قالىپتاستىرۋداعى, ادام قۇقىقتارى مەن بوستاندىقتارىن قورعاۋ كەپىلدىكتەرىن قامتاماسىز ەتۋدىڭ جالپىعا تانىلعان تەتىكتەرىن قۇرۋداعى جەتىستىكتەرىن مويىنداۋدىڭ ءسوزسىز ايعاعى بولىپ تابىلادى. كەلىسىمگە قول قويۋ, ەكى ەلدىڭ ىشكى مەملەكەتتىك راسىمدەرى اياقتالعان سوڭ, قازاقستاندىق جانە امەريكالىق ۋاكىلەتتى ورگانداردىڭ تەرگەۋ, قىلمىستىق قۋدالاۋ جانە قىلمىستىق قۇقىق بۇزۋشىلىقتاردىڭ الدىن الۋ سالاسىندا, سونىمەن قاتار قىلمىستىق ىستەرگە قاتىستى تەكسەرۋلەر جۇرگىزۋ بويىنشا ءبىر-بىرىنە بەلسەندى قۇقىقتىق كومەك كورسەتۋگە مۇمكىندىك بەرەدى. قۇقىقتىق كومەك كورسەتۋ تۋرالى تاراپتاردىڭ ءوزارا سۇرانىستارىن ورىنداۋعا مۇمكىندىك بەرەتىن ءىس جۇزىندەگى ءوزارا ءىس-قيمىلدى نىعايتۋ جانە ارەكەت ەتۋشى تەتىكتەردى قۇرۋ ماسەلەسى ەرەكشە ماڭىزدىلىققا يە بولا باستايدى. مۇرات ايتقوجا. دەرەك, فوتو: قازاقستان رەسپۋبليكاسىنىڭ باس پروكۋراتۋراسى.