فوتو: اشىق دەرەككوز
بەرىلگەن قاراجات ۋاكىلەتتى وپەراتورلار ارقىلى ءوتىنىش يەلەرىنىڭ شوتتارىنا اۋدارىلعان.
2024-2025 جىلدارى 116 579 ءوتىنىش تۇرعىن ءۇي ماقساتتارىنا پايدالانىلدى, جالپى سوماسى 17,6 ملن دوللار.
- ءبىلىم بەرۋگە 71 663 ءوتىنىش بويىنشا 10,65 ملن دوللار باعىتتالدى.
- تۇرعىن ءۇي قۇرىلىس جيناقتارىن تولىقتىرۋ – 113 944 ءوتىنىش, 17,23 ملن دوللار;
- يپوتەكاعا باستاپقى جارنا ەنگىزۋ – 126,7 مىڭ دوللار;
- تۇرعىن ءۇيدى تولىق ساتىپ الۋ – 86,29 مىڭ دوللار;
- قازاقستاندىق جوعارى وقۋ ورىندارىندا وقۋ اقىسىن تولەۋگە – 9,81 ملن دوللار;
- ءبىلىم بەرۋ دەپوزيتتەرىن تولىقتىرۋعا – 580 مىڭ دوللار;
- شەتەلدىك وقۋ ورىندارىنا تولەم جاساۋعا – 214,7 مىڭ دوللار.
باعدارلاما اياسىنداعى ماقساتتى جيناقتاردىڭ پايدالانىلماعان قالدىعى ازاماتتىڭ شوتىندا ساقتالادى جانە ونى كەيىن تولىق نەمەسە جارتىلاي قولدانۋعا بولادى. تولىق وڭىرلىك ستاتيستيكا enpf.kz سايتىندا جاريالانعان.
باعدارلاماعا سايكەس, ۇلتتىق قوردىڭ جىل سايىنعى ينۆەستيتسيالىق تابىسىنىڭ 50%-ى 2006 جىلدان باستاپ تۋعان بالالار اراسىندا بولىنەدى.
بالالارعا ەسەپتەلگەن سومالار:
- 2023 جىل: ءبىر بالاعا 100,52 دوللار
- 2024 جىل: ءبىر بالاعا 129,38 دوللار
وسىلايشا:
- 2006 جىلعى بالا 100,52 دوللار جينادى,
- 2007 جىلعى بالا 232,94 دوللار جيناقتادى.
قاراجاتقا قول جەتكىزۋ ءتارتىبى
كامەلەتكە تولعان ازاماتتار بجزق نەمەسە eGov پورتالىنداعى جەكە كابينەت ارقىلى اقپاراتتى تەكسەرىپ, ۋاكىلەتتى وپەراتورعا جۇگىنىپ, ۆاليۋتالىق شوت اشىپ, ونلاين-ءوتىنىش بەرۋى قاجەت.
