فوتو: اشىق دەرەككوز
KAZENERGY قاۋىمداستىعى كەڭەسىنىڭ 44-وتىرىسى اياسىندا جاعدايعا تۇسىنىكتەمە بەرگەن مينيستر كتك كولەمىنىڭ تىم اۋقىمدى ەكەنىن, سوندىقتان قولدانىستاعى مارشرۋتتاردىڭ ونى تولىق الماستىرا المايتىنىن ەرەكشە اتاپ ءوتتى.
«بۇگىنگى تاڭدا كتك-نىڭ بالاماسى جوق, مۇنى مويىنداۋىمىز قاجەت. ونىڭ وتكىزۋ قابىلەتى – 65 ملن توننا. بۇل كولەمدى باسقا باعىتتار قامتاماسىز ەتە المايدى», دەدى ەرلان اقكەنجەنوۆ.
مينيستر بالاما رەتىندە جۇمىس ىستەي الاتىن «باكۋ-تبيليسي-دجەيحان» باعىتىن اتادى. سونداي-اق «اتىراۋ-سامارا» باعىتى ارقىلى قارا تەڭىز بەن بالتىق تەڭىزى پورتتارىنا جەتكىزۋگە بولادى. الايدا ول كتك-داعى زاقىمدانعان جابدىقتى قالپىنا كەلتىرىلگەنگە دەيىن ناقتى قانشا كولەمدى قايتا باعىتتاۋعا بولاتىنىن ناقتىلاعان جوق.
كەڭەستە سوڭعى شابۋىلداردان كەيىن ينفراقۇرىلىم قاۋىپسىزدىگى ماسەلەسى كوتەرىلدى. ەرلان اقكەنجەنوۆ ۆەدومستۆو ساياسي باعا بەرۋدەن ادەيى تارتىناتىنىن, مۇنداي تۇسىنىكتەمەلەردى سىرتقى ساياسات ورگاندارىنان الۋ قاجەتتىگىن ايتتى.
«مۇنداي تۇسىندىرمە الۋ ءۇشىن سىرتقى ساياسي ۆەدومستۆوعا جۇگىنۋ قاجەت», دەدى ول.
سونىمەن قاتار مينيستر كونسورتسيۋم شارتتارىندا جاۋاپكەرشىلىك شەكارالارى ناقتى كورسەتىلگەنىن ەسكە سالدى.
«قۇبىر قاي ەلدىڭ اۋماعى ارقىلى وتسە, سول ەل ونىڭ قاۋىپسىزدىگىنە جاۋاپ بەرەدى. وزگە ەلدەرگە قاتىستى مەن پىكىر ايتا المايمىن», دەدى ول.
ەسكە سالا كەتەيىك, 2025 جىلعى 29 قاراشادا, استانا ۋاقىتىمەن 06:00-دە نوۆوروسسيسك قالاسىندا ورنالاسقان پورت اۋدانىنداعى تەڭىز ينفراقۇرىلىمىنا ۇشقىشسىز قۇرىلعىلار شابۋىلداعان. سالدارىنان ايلاقتاعى اتق-2 قوندىرعىسى ىستەن شىعىپ قالدى. اگرەگات تولىق جوندەۋ-قالپىنا كەلتىرۋ جۇمىستارى اياقتالعانعا دەيىن ىستەن شىعارىلدى.
سونىمەن قاتار كۇنى كەشە سىرتقى ىستەر ءمينيسترى ەرمەك كوشەرباەۆ قازاقستان كاسپي قۇبىر كونسورتسيۋمىنا (كتك) جاسالعان شابۋىلداردى ۋكراينا تاراپىمەن تالقىلاعان ەدى.
