• 21 اقپان, 2015

اقپاراتتار اعىنى

220 رەت

كورسەتىلدى

2 مين

وقۋ ءۇشىن

Egemen Qazaqstan

*ۇكىمەت ءبىرىنشى كەزەكتە اۋىل شارۋاشىلىعىن قارجىلاندىرۋ كەرەك دەپ ەسەپتەيدى. پارلامەنت ءماجىلىسىنىڭ دەپۋتاتى, اگرارلىق ماسەلەلەر ءجونىندەگى كوميتەت توراعاسى رومين مادينوۆ كۇردەلى ەكونوميكالىق احۋالدان اتالمىش سالا وڭ كورسەتكىشتەرمەن شىعاتىندىعىن اتاپ ءوتتى. ايتا كەتەيىك, ۇستىمىزدەگى جىلدىڭ ناقتىلانعان بيۋدجەتىندە اۋىل شارۋاشىلىعىنا قوسىمشا 20 ملرد. تەڭگە قاراستىرىلدى. *بىلتىر «بايتەرەك» حولدينگى 22,6 مىڭ جۇمىس ورنىنىڭ اشىلۋىنا مۇرىندىق بولدى. قۇرىلىمنىڭ حابارلاۋىنشا, ۇلتتىق قوردان بولىنگەن قاراجات ارقاسىندا 75 ملرد. تەڭگە كولەمىندە 305 جاڭا جوبا اشىلعان. سونداي-اق, 3 300 شاعىن جانە ورتا بيزنەس كاسىپورنىنا 182,3 ملرد.تەڭگە كولەمىندە قولداۋ كورسەتىلدى. *استانادا جاستار «ارداگەر» اكتسياسىنا بەلسەندى قاتىسىپ جاتىر. قالالىق جاستار ساياساتى جونىندەگى باسقارماسىنىڭ ۇيىمداستىرۋىمەن تۇراقتى تۇردە وتكىزىلىپ كەلە جاتقان شارا اياسىندا اپتا سايىن ستۋدەنتتەر ارداگەرلەردىڭ ۇيىنە بارىپ, الەۋمەتتىك كومەك كورسەتۋدە. سونداي-اق, بەلسەندى جاستار تىل ارداگەرلەرى مەن زەينەتكەرلەرگە دە قول ۇشىن سوزۋدى جوسپارلاپ وتىر. *وڭتۇستىك قازاقستاندا 600-دەن استام ادام كاسىپكەرلىك مەكتەبىن بىتىرگەن سوڭ ءوز ءىسىن باستاعان. وبلىستىق اكىمدىكتىڭ ءباسپاسوز قىزمەتى ءمالىم ەتكەندەي, 2014 جىلى 3 399 ادام كاسىپكەرلىك وقۋدان وتكەن. ولاردىڭ ءبىر بولىگى وزدەرى جۇمىسپەن قامتۋشى بولىپ, 400-دەن اسا جاڭا جۇمىس ورىندارىن قۇرعان. *قىزىلوردا وبلىسىنىڭ اۋىلىندا شاعىن ناۋبايحانا اشىلدى. قازالى اۋداندىق اكىمدىگى ءباسپاسوز قىزمەتىنىڭ مالىمەتىنشە, ەل ريزاشىلىعىنا بولەنىپ وتىرعان قوجاباقى اۋىلىنىڭ تۇرعىنى ايبازار كوشەرباي ءوز قاراجاتى ەسەبىنەن رەسەيدەن قاجەتتى جابدىقتاردى ساتىپ الىپ, شاعىن ناۋبايحاناسىن ىسكە قوسقان. قازىر ول حالىقتى نان ونىمدەرىمەن قامتاماسىز ەتۋدى باستاپ كەتتى. *اقمولا وڭىرىندە وتكەن جىلى اۋماعى 268 مىڭ شارشى مەتر تۇرعىن ءۇي پايدالانۋعا بەرىلدى. وبلىس اكىمى سەرگەي كۋلاگين 2014 جىلى تۇرعىن ءۇي قۇرىلىسىنا قارجىلاندىرۋدىڭ بارلىق كوزدەرى ارقىلى 21,8 ملرد. تەڭگەنىڭ ينۆەستيتسياسى قۇيىلعانىن, بۇل 2013 جىلمەن سالىستىرعاندا, 1,7 ەسەگە كوپ ەكەنىن مالىمدەدى. ونىڭ ىشىندە «قولجەتىمدى باسپانا-2020» باعدارلاماسى شەڭبەرىندە 7,2 ملرد. تەڭگە بولىنگەن. *پاۆلودار وبلىسىندا جالپى وڭىرلىك ءونىمنىڭ كولەمى 3 پايىزعا وسكەن. ايماق اكىمى قانات بوزىمباەۆتىڭ ايتۋىنشا, سوڭعى بەس جىلدىڭ ىشىندە يندۋستريالاندىرۋ كارتاسىنىڭ اياسىندا 68 جوبا ىسكە قوسىلىپ, 5 600-دەن استام جۇمىس ورنى اشىلعان. حابارلار ۇكىمەت, وبلىستىق اكىمدىكتەر سايتتارى, «قازاقپارات» اگەنتتىگى جانە nur.kz دەرەكتەرى بويىنشا دايىندالدى.