سۋرەت: malimsports.kz
بيىلعى بايراقتى دوداعا الەمنىڭ 45 ەلىنەن 12–23 جاس ارالىعىنداعى 1300-دەن استام سپورتشى قاتىسادى. سپورتشىلار 11 سپورت تۇرىنەن 481 مەدال جيىنتىعىن ءوزارا ساراپقا سالادى. جارىستاردا ەلىمىز تاراپىنان 60 سپورتشى 9 سپورت تۇرىنەن, اتاپ ايتقاندا, پارا پاۋەرليفتينگ, پارا جەڭىل اتلەتيكا, پارا ءجۇزۋ, پارا تاەكۆوندو, پارا ۇستەل تەننيسى, پارا ساداق اتۋ, بوچچا, قول كۇرەسى جانە گولبولدان باق سىنايدى.
جاسوسپىرىمدەر اراسىنداعى ازيا پارا ويىندارى – جاس سپورتشىلاردىڭ حالىقارالىق ارەنادا تاجىريبە جيناۋىنا, ۇلتتىق قۇرامانىڭ جاڭا بۋىنىن دايارلاۋعا, ەلىمىزدە پارا سپورتتىڭ جۇيەلى دامۋىنا سەرپىن بەرەتىن ماڭىزدى سپورتتىق الاڭ. ەلىمىزدىڭ ۇلتتىق قۇراماسى جاسوسپىرىمدەر اراسىنداعى ازيا پارا ويىندارىنا بۇعان دەيىن ءۇش رەت قاتىستى. 2009 جىلى توكيو قالاسىندا وتكەن العاشقى ويىنداردا جاسوسپىرىمدەرىمىز 7 التىن, 12 كۇمىس, 4 قولا مەدال جەڭىپ الدى. 2013 جىلى كۋالا-لۋمپۋردا وتكەن ەكىنشى ويىنداردا 12 التىن, 15 كۇمىس, 12 قولا مەدال يەلەندى. 2017 جىلى دۋبايدا ۇيىمداستىرىلعان ءۇشىنشى ويىنداردا 6 التىن,
4 كۇمىس, 2 قولا مەدال ەنشىلەدى.
