رەسەي مەن گەرمانيا اراسىنداعى قارىم-قاتىناستا پروبلەما بار

استانا. 10 مامىر رەسەي مەن گەرمانيا اراسىنداعى قارىم-قاتىناستى پروبلەمالار بار. بۇل تۋرالى رەسەي پرەزيدەنتى ۆلاديمير ءپۋتيننىڭ گەرمانيا كانتسلەرى انگەلا مەركەلمەن كەزدەسۋى كەزىندە ايتقان سوزىنە سىلتەمە جاساعان تاسس حابارلادى. «بۇگىندە بەلگىلى پروبلەمالار بار. بۇل پروبلەمالار قارىم-قاتىناستىڭ دامۋىنا اسەر ەتۋلەرىن نەعۇرلىم تەز توقتاتسا, سوعۇرلىم جاقسى بولادى», - دەدى ۆلاديمير پۋتين. گەرمانيا كانتسلەرى انگەلا مەركەل ماسكەۋگە بۇگىن جەڭىس مەرەيتويى قۇرمەتىنە بولاتىن سالتاناتقا قاتىسۋ جانە ۆلاديمير پۋتينمەن كەلىسسوز جۇرگىزۋ ءۇشىن كەلگەن بولاتىن. ولار ەكەۋى بىرگە بەلگىسىز سولداتتىڭ زيراتى باسىنا گۇل شوقتارىن قويدى. پۋتين ماسكەۋگە كەلگەنى ءۇشىن مەركەلگە العىس ايتتى. «مەن ەڭ الدىمەن ءسىزدى ەكىنشى دۇنيەجۇزىلىك سوعىس كەزىندە, ناتسيزممەن بولعان ۇلى وتان سوعىسىنداعى كۇرەستە قازا تاپقان ادامدارعا قۇرمەت كورسەتۋگە كەلگەنىڭىز ءۇشىن العىس ايتقىم كەلەدى», - دەدى رەسەي پرەزيدەنتى. مۇرات ايتقوجا. دەرەك, سۋرەت: تاسس.