مينيسترلىكتىڭ Telegram-ارناسىنىڭ دەرەگىنشە, شورتاندى اۋدانىنداعى دۇكەندە شۇجىق باعاسى شەتەل ۆاليۋتاسى رۋبلمەن بەلگىلەنگەن. زاڭ بويىنشا ساۋدا سورەسىندەگى باعا تەك قانا تەڭگەدە كورسەتىلۋى شارت. بۇل قۇقىق بۇزۋشىلىق ءۇشىن كاسىپكەر ايىپپۇل ارقالادى.
سونىمەن قاتار اقمولا وبلىسىندا ازىق-ت ۇلىك نارىعىن تۇراقتى تەكسەرۋ بارىسىندا الەۋمەتتىك ماڭىزى بار ونىمدەرگە رۇقسات ەتىلگەن ساۋدا ۇستەمەسىن اسىرۋ فاكتىلەرى انىقتالدى. مەملەكەتتىك باقىلاۋدى اقمولا وبلىسى بويىنشا ساۋدا جانە ينتەگراتسيا مينيسترلىگىنىڭ ساۋدا جانە تۇتىنۋشىلار قۇقىعىن قورعاۋ دەپارتامەنتى جۇرگىزەدى.
2025 جىلى اقمولا وبلىسىندا اكىمشىلىك جاۋاپكەرشىلىككە 216 كاسىپكەر تارتىلدى, ولاردىڭ 99-ى ەسكەرتۋ الدى, ال 117-ءسى جالپى سوماسى 2,2 ميلليون تەڭگەدەن استام ايىپپۇل تولەدى. انىقتالعان قۇقىق بۇزۋشىلىقتار قاتارىندا الەۋمەتتىك ماڭىزى بار ونىمدەرگە ساۋدا ۇستەمەسىنىڭ اسىپ كەتۋى, شەتەل ۆاليۋتاسىندا تاۋارلاردى ساتۋ, تۇتىنۋشى بۇرىشتارىنىڭ جوقتىعى جانە تۇتىنۋشىلاردىڭ شاعىمدارىنا زاڭدا بەلگىلەنگەن مەرزىمدە جاۋاپ بەرمەۋ بار.
ايتا كەتەيىك, بۇعان دەيىن پەتروپاۆلداعى سۋپەرماركەتتەردىڭ بىرىندە باعالاردى رۋبلمەن كورسەتكەن كاسىپكەر انىقتالىپ, اكىمشىلىك جاۋاپكەرشىلىككە تارتىلعان ەدى.
