فوتو: اشىق دەرەككوز
ۇكىمەت باسشىسى قارجى, اۋىل شارۋاشىلىعى جانە كولىك مينيسترلىكتەرىنە 2026 جىلدىڭ 1 ناۋرىزىنا دەيىن «e-Freight» اقپاراتتىق جۇيەسىمەن تولىق ينتەگراتسيانى اياقتاۋدى تاپسىردى.
«اۋە جولدارى ارقىلى وتەتىن جۇك تاسىمالى سالاسىندا حالىقارالىق ستاندارتتارعا سايكەس, ەلەكتروندى قۇجات اينالىمىنا كوشۋدى جەدەلدەتۋ قاجەت. بۇل دەرەكتەردى وڭدەۋ جىلدامدىعىن ارتتىرىپ, بيزنەس پەن شەتەلدىك سەرىكتەستەردىڭ تاراپىنان سەنىم مەن اشىقتىق دەڭگەيىن جوعارىلاتادى», دەدى پرەمەر-مينيستر.
سونىمەن قاتار و.بەكتەنوۆ اتالعان شارا يمپورتتىق جانە ەكسپورتتىق دەكلاراتسيالار, سونداي-اق ۆەتەريناريالىق جانە فيتوسانيتاريالىق سەرتيفيكاتتار بويىنشا دەرەكتەردىڭ اۆتوماتتى تۇردە بەرىلۋىن قامتاماسىز ەتەتىنىن باسا ايتتى.
