فوتو: اشىق دەرەككوز
جاڭا ەرەجە 8 جەلتوقساننان باستاپ كۇشىنە ەندى.
«ەگەر ازامات 5 كۇن ىشىندە جەكە مالىمەتتەردىڭ وڭدەلۋىنە كەلىسىم بەرمەسە, ءبىز ونى كۇتۋ تىزىمىندەگى تومەنگى ورىنعا جىلجىتامىز. وسىلايشا, كەزەك جىلجيدى», دەدى «وتباسى بانك» اق باسقارما ءتورايىمى ءلاززات يبراگيموۆا.
بۇل وزگەرىس پاتەر كەزەگىن قىسقارتىپ, شىن مانىندە تۇرعىن ۇيگە مۇقتاج ازاماتتارعا پاتەر الۋدى جەڭىلدەتەدى. بۇگىندە قازاقستاندا 642 مىڭ ادام جەڭىلدىكپەن پاتەر الۋ ءۇشىن كەزەكتە تۇر, بىراق ولاردىڭ تەك 14%-ى (92 092 ادام) دەرەكتەرىن جاڭارتىپ, پاتەر الۋ قۇقىعىن راستاعان.
دەرەكتەردى جاڭارتۋ جولدارى:
- orken.otbasybank.kz پورتالىنا كىرىڭىز;
- جەكە مالىمەتتەردىڭ جينالۋى مەن وڭدەلۋىنە كەلىسىم بەرىڭىز;
- eGov.kz ارقىلى ءموبيلدى ازاماتتار بازاسىنداعى تەلەفون ءنومىرىڭىزدى تەكسەرىڭىز.
