فوتو: Pixabay
لۋۆر مۋزەيىنىڭ اكىمشىسىنىڭ ورىنباسارى فرەنسيس ستەينبوكتىڭ مالىمەتىنشە, كارىز قۇبىرىنان شىققان لاس سۋ مىسىر كونە جادىگەرلەر كىتاپحاناسىنىڭ ءبىر زالىن باسىپ, وندا ساقتالعان ماتەريالدارعا زاقىم كەلگەن.
«قازىرگى ۋاقىتتا 300-400 قۇجاتتىڭ ب ۇلىنگەنى بەلگىلى, ءبىز تولىق تۇگەندەۋ جۇمىستارىن جۇرگىزىپ جاتىرمىز. زاقىمدانعان شىعارمالار سۋدان شىعارىلىپ, قازىر لاستانعان شىعارمالاردىڭ ءار بەتىن كەپتىرۋ جۇمىستارى جۇرگىزىلىپ جاتىر», دەدى فرەنسيس ستەينبوك.
ب ۇلىنگەن قۇجاتتار تەك ەگيپەتتانۋشىلار, مۋزەي قىزمەتكەرلەرى مەن ستۋدەنتتەر پايدالاناتىن مەرزىمدى باسىلىمدار, انىقتامالىقتار جانە ارحەولوگيالىق جۋرنالداردان تۇرادى. ولاردىڭ ەڭ كونەسى ءحىح عاسىردىڭ اياعىنا تيەسىلى, ال كەيبىرى حح عاسىردىڭ باسىندا جارىق كورگەن.
فرەنسيس ستەينبوكتىڭ سوزىنە قاراعاندا, عيماراتتاعى جەلدەتۋ جانە جىلىتۋ جۇيەسىندە بۇرىننان اقاۋ بار. زارداپ شەككەن ايماق مۋزەيدىڭ جاڭارتۋدى قاجەت ەتەتىن سالالار تىزىمىندە تۇرعان.
بۇعان دەيىن لۋۆر مۋزەيىندە بۇرىن-سوڭدى بولماعان ۇرلىق جاسالعانىن جازعان ەدىك.
سونىمەن قاتار 14 قاراشا كۇنى بەلگيالىق ەكى بلوگەر نيل مەن سەننە ايگىلى لۋۆر مۋزەيىنە قاراپايىم كەلۋشىلەر رەتىندە كىرىپ, ءوز پورترەتتەرىن مونا ليزا تۇرعان مارتەبەلى زالعا ءىلىپ كەتكەن ەدى. بۇل جايت قاۋىپسىزدىك جۇيەسىنە قاتىستى جاڭا الاڭداۋشىلىق تۋعىزدى.
