پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا جاستارعا جان-جاقتى قولداۋ كورسەتۋ مەملەكەت باسشىسى قاسىم-جومارت توقاەۆتىڭ مەملەكەتتىك ساياساتتاعى باسىم باعىتتارىنىڭ ءبىرى ەكەنىن اتاپ ءوتتى. «تاۋەلسىزدىك ۇرپاقتارى» گرانتى – دارىندى جاستاردى انىقتاۋعا باعىتتالعان پرەزيدەنت باستامالارىنىڭ ءبىرى.
كوميسسيا قۇرامىنا پارلامەنت دەپۋتاتتارى, كورنەكتى عالىمدار, مادەنيەت سالاسىنىڭ ەڭبەك سىڭىرگەن قايراتكەرلەرى, مەديا-ساراپشىلار, بيزنەس وكىلدەرى كىردى. ايدا بالاەۆا كوميسسيانىڭ ءادىل شەشىم قابىلداعانىنا سەنىم ءبىلدىردى.
كوميسسيا قورىتىندىسىنىڭ ناتيجەسىندە 6 باعىت بويىنشا ەڭ جوعارى بالل جيناعان 30 جوبا ىرىكتەلدى.
جەڭىمپازدارعا جوبالارىن جۇزەگە اسىرۋعا مەملەكەت تاراپىنان 3 ميلليون تەڭگە كولەمىندە قارجىلىق قولداۋ كورسەتىلەدى.
ايتا كەتەيىك, بيىل بارلىعى 1700 ءوتىنىم ءتۇستى. ونىڭ ىشىندە 1622 ءوتىنىم قابىلداندى. اتاپ ايتقاندا, «بيزنەس» باعىتى بويىنشا – 796, «عىلىم» باعىتى بويىنشا – 138, «مادەنيەت» باعىتى بويىنشا – 152, «اقپاراتتىق تەحنولوگيا» باعىتى بويىنشا – 211, «مەديا» باعىتى بويىنشا – 154, «ۆولونتەرلىك» باعىتى بويىنشا – 171 ءوتىنىم.
