ا.بالاەۆا قايىرىمدىلىقتىڭ باسى-قاسىندا جۇرگەندەردىڭ مادەنيەت پەن ءبىلىم, ەكولوگيا مەن مەديتسينا, الەۋمەتتىك قولداۋ مەن قايىرىمدىلىق سالالارىنىڭ دامۋىنا ايتارلىقتاي ۇلەس قوسىپ كەلە جاتقانىن ەرەكشە اتاپ ءوتتى.
«كەيىنگى جىلدارى ەلىمىزدە ۆولونتەرلىكتى مەملەكەتتىك قولداۋدىڭ ءبىرتۇتاس جۇيەسى قالىپتاستى, بۇل – ارقاشان مەملەكەتتىك ساياساتتىڭ نازارىندا. 5 جەلتوقسان كۇنى بۇۇ-نىڭ نيۋ-يورك قالاسىنداعى شتاب-پاتەرىندە ورنىقتى دامۋ جولىنداعى حالىقارالىق ۆولونتەرلەر جىلى رەسمي باستاۋىن الادى. اتالعان جىلدى جاريالاۋ تۋرالى ۇسىنىس قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقاەۆتىڭ باستاماسىمەن جۇزەگە اسقانىن ماقتان تۇتامىز», دەپ جازدى مينيستر.
بۇعان قوسا ول ەلىمىز ءۇشىن ورنىقتى دامۋ ماقساتتارىن ىسكە اسىرۋداعى ۆولونتەرلەردىڭ رولىنە باسا نازار اۋدارا وتىرىپ, اتالعان جىل «بىرگە – تۇراقتى بولاشاق ءۇشىن!» ۇرانىمەن جاقسىلىق پەن بىرلىكتىڭ جالپىحالىقتىق مەرەكەسىنە اينالعانىن اتاپ ءوتتى. سونىمەن قاتار ونىڭ جاھاندىق سەرىكتەستىك رۋحىندا جاڭا مۇمكىندىكتەر اشاتىنىنا, ميلليونداعان ادامدى تۇراقتى, ءادىل جانە بەيبىت الەم قۇرۋدىڭ ورتاق ىسىنە قاتىسۋعا شابىتتاندىراتىنىنا سەنىم ءبىلدىردى.
«قۇرمەتتى ۆولونتەرلەر! مەملەكەت سىزدەردىڭ بەلسەندىلىگىڭىزدى, ازاماتتىق ۇستانىمىڭىز بەن جاسامپاز ىستەرىڭىزدى جوعارى باعالايدى. ءبىز ۆولونتەرلىك باستامالاردى ودان ءارى قولدايمىز, دامۋ ءۇشىن مۇمكىندىكتەردى ارتتىرامىز. بارلىق ۆولونتەرگە ەلىمىزدىڭ دامۋىنا قوسقان ۇلەسى, تاباندىلىعى, مەيىرىمدىلىگى مەن ءوز ىسىنە ادالدىعى ءۇشىن شىن جۇرەكتەن العىس ايتامىن. سىزدەردىڭ يگى ىستەرىڭىز ارقاشان قۇرمەت پەن قولداۋ تاۋىپ, ادامدارعا قۋانىش پەن شاتتىق اكەلسىن. سىزدەرگە زور دەنساۋلىق, اماندىق, كۇش-قۋات جانە قوعامعا قىزمەت ەتۋ جولىندا تابىس تىلەيمىن!» دەدى ا.بالاەۆا قۇتتىقتاۋىندا.
