فوتو: gov.kz
«جەرگىلىكتى ونىمگە, ءبىلىم مەن زاماناۋي تەحنولوگياعا باسىمدىق بەرۋ ايتارلىقتاي ناتيجە اكەلەتىنىن تاجىريبە كورسەتتى. مىسال رەتىندە جاپونيانىڭ حالىقارالىق ىنتىماقتاستىق اگەنتتىگى (JICA) جانە «اتامەكەن» ۇلتتىق پالاتاسىنىڭ قولداۋىمەن جۇزەگە اسقان ء«بىر اۋىل – ءبىر ءونىم» جوباسىن كەلتىرۋگە بولادى», دەيدى پرەزيدەنت.
مەملەكەت باسشىسى شاعىن جانە ورتا بيزنەس وكىلدەرى ىرى قارا تەرىسىن وڭدەيتىن كاسىپكەرلىكپەن اينالىسۋعا نيەتتى ەكەنىن ايتتى.
«اۋىل-ايماقتاردان وسىنداي اقىلعا قونىمدى وتىنىشتەر مەن ۇسىنىستار ءجيى تۇسەدى. ماسەلەن, قوي مەن ءىرى قارا تەرىسىن وڭدەيتىن كاسىپورىن اشۋ تۋرالى باستامانى ايتۋعا بولادى. نەگە ەكەنىن قايدام, قانشا جىل وتسە دە وسى شارۋانى ۇكىمەت تە, بيزنەس تە قولعا الماعان. ايتسە دە شاعىن جانە ورتا بيزنەس بۇل كاسىپپەن اينالىسۋعا نيەتتى.
ۇكىمەت ورتاق جاۋاپكەرشىلىك قاعيداتىنا ساي مەملەكەت پەن بيزنەستىڭ ءتيىمدى قارىم-قاتىناس جاساۋىنا جان-جاقتى ىقپال ەتۋى كەرەك. بۇل اۋىلدار مەن شاعىن قالالاردىڭ دامۋىنا تىڭ سەرپىن بەرەدى», دەيدى ول.
