فوتو: اۋىل شارۋاشىلىعى مينيسترلىگى
جوباعا تارتىلعان جالپى ينۆەستيتسيا كولەمى 9,5 ملرد تەڭگە.
جوبا وتاندىق «Qazaq Global Food JV» كومپانياسىمەن جۇزەگە اسىرىلىپ, جوعارى قوسىلعان قۇنى بار وندىرىستەردى دامىتۋعا, سونداي-اق اوك-ءتىڭ ەكسپورتتىق الەۋەتىن ارتتىرۋعا باعىتتالعان.
اۋىل شارۋاشىلىعى ۆەدومستۆوسىنىڭ مالىمەتىنشە, قازىرگى ۋاقىتتا وسى سالادا الدىڭعى قاتارلى ءىرى Göknur Gıda تۇرىك كومپانياسىمەن Off-take كەلىسىمىنە قول قويىلعان. كەلىسىمگە سايكەس, اتالعان كومپانيا بولاشاق كاسىپورىن وندىرگەن ونىمدەردىڭ, سونىڭ ىشىندە الما شىرىنى كونتسەنتراتى مەن باسقا دا وڭدەلگەن تاۋارلاردىڭ ەكسپورتىن جۇزەگە اسىراتىن ستراتەگيالىق وپەراتور بولماق.
اتالعان سەرىكتەستىك ۇزاق مەرزىمدى وتكىزۋ كەپىلدىكتەرىن قامتاماسىز ەتەدى جانە وتاندىق وندىرۋشىلەردىڭ شەتەلدىك نارىقتارعا قولجەتىمدىلىگىن كەڭەيتەدى.
