الدا ماڭىزدى مىندەتتەر تۇر

ەلباسى نۇرسۇلتان نازارباەۆ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى قايرات قوجامجاروۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋ بارىسىندا ق.قو­جام­جاروۆ مەملەكەت باسشىسىنا اگەنتتىكتىڭ قازىرگى قىزمەتى, سونداي-اق, مەملەكەتتىك قىزمەتتى كاسىبيلەندىرۋ جانە تيىمدىلىگىن ارتتىرۋ ماقساتىندا اتقارىلىپ جاتقان شارالار تۋرالى باياندادى. نۇرسۇلتان نازارباەۆ بىلتىر قۇرىلعان ۆەدومستۆونىڭ الدىندا مەملەكەتتىك قىزمەت جۇيەسىن جەتىلدىرۋ, سىبايلاس جەمقورلىق قۇقىق بۇزۋشىلىقتارىنا قارسى ءىس-قيمىلدى قامتاماسىز ەتۋ تۇرعىسىنان ماڭىزدى مىندەتتەر تۇرعانىنا نازار اۋداردى. قازاقستان پرەزيدەنتى ەلدىڭ ور­نىقتى ءوسىمى مەن تۇراقتىلىعىن قام­تاماسىز ەتۋ ءۇشىن مەملەكەتتىك اپپا­راتتىڭ تيىمدىلىگىن ودان ءارى ارت­تىرۋدىڭ ماڭىزدىلىعىنا توق­تالدى. اگەنتتىك توراعاسى, سونداي-اق, جاڭا مەملەكەتتىك قىزمەت مو­دە­لىنىڭ تۇجىرىمداماسىندا بەلگى­لەنگەن رەفورمالاردىڭ ءبىرىنشى كەزەڭىن باعالاۋ جانە مونيتورينگ قورىتىندىلارى تۋرالى باياندادى. جۇزەگە اسىرۋ كەزىندە بارىنشا پىسىقتاۋدى جانە كەشەندى تاسىلدەردى قاجەت ەتەتىن بىرقاتار شارالار اتاپ ءوتىلدى. اتاپ ايت­قاندا, مەملەكەتتىك قىزمەتكە ىرىك­تەۋدىڭ اشىقتىعىن ارتتىرۋ, مەملەكەتتىك قىزمەتشىلەردىڭ قىزمەتىن ساپالى باعالاۋدى ەنگىزۋ, ولار­دى وقىتۋ جانە ىنتالاندىرۋ جۇيەسىن دامىتۋ جونىندە ۇسى­نىستار جاسالدى. ق. قوجامجاروۆ اگەنتتىك جۇمى­سىنىڭ مەملەكەتتىك قىزمەتتىڭ بار­لىق كەزەڭىندە تالانتتاردى باس­قا­رۋدىڭ قاعيداتتارى مەن تەتىك­تەرىن ەنگىزۋ سياقتى تۇجىرىم­دا­مالىق جاڭا باعىتتارى تۋرالى اڭگىمەلەدى. سونداي-اق, سىبايلاس جەمقورلىققا قارسى اعارتۋ شارالارى تۋرالى دا ايتىلدى. ونىڭ اياسىندا ءبىلىم جانە عىلىم مينيسترلىگىمەن بىرلەسىپ, ءبىلىم بەرۋدىڭ بارلىق دەڭگەيىندە جانە ءتۇرلى ماقساتتى توپتار ءۇشىن سىبايلاس جەمقورلىققا قارسى ارەكەت ەتۋ ماسەلەلەرىن زەرتتەۋ قاراستىرىلعان. كەزدەسۋ قورىتىندىسى بويىنشا مەملەكەت باسشىسى بىرقاتار ناقتى تاپسىرما بەردى. سۋرەتتى تۇسىرگەندەر س.بوندارەنكو, ب.وتارباەۆ.