فوتو: اشىق دەرەككوز
ينستيتۋتتىڭ قىزمەتى تەك ساپالى ساراپتامالىق زەرتتەۋلەر جۇرگىزۋمەن عانا شەكتەلمەي, كاسىبي ەتيكا مادەنيەتىن, سەنىم مەن اشىقتىق قاعيداتتارىن دامىتۋعا دا باعىتتالعان.
كومپلاەنس-وفيتسەردىڭ باستى مىندەتى, بەلگىلەنگەن نورمالار مەن ستاندارتتاردىڭ ساقتالۋىن قامتاماسىز ەتۋ, ادالدىق پەن ادىلدىك اتموسفەراسىن قالىپتاستىرۋ, سونداي-اق ساراپتامالىق قىزمەتتىڭ وبەكتيۆتىلىگى مەن بەيتاراپتىعىنا اسەر ەتۋى مۇمكىن ارەكەتتەردىڭ الدىن الۋ.
– كومپلاەنس-وفيتسەر ىشكى رەگلامەنتتەردى ازىرلەۋدى ۇيلەستىرەدى, ولاردىڭ ورىندالۋىن باقىلايدى, ىقتيمال تاۋەكەلدەردى تالدايدى جانە ولاردى ازايتۋعا باعىتتالعان ءىس-شارالاردى ۇسىنادى. ەتيكا, قىزمەتتىك ءتارتىپ جانە قىزمەتكەرلەردىڭ قۇقىقتىق مادەنيەتىن ارتتىرۋ ماسەلەلەرىنە ەرەكشە كوڭىل بولىنەدى. ۇنەمى وتكىزىلىپ تۇراتىن وقىتۋ سەمينارلارى, كەڭەستەر مەن اشىق تالقىلاۋلار ادالدىق پەن جاۋاپكەرشىلىك ستاندارتتارىن ورتاق تۇسىنۋگە ىقپال ەتەدى, – دەيدى سوت ساراپتامالارى ينستيتۋتىنىڭ شىعىس قازاقستان وبلىسى بويىنشا ديرەكتوردىڭ ورىنباسارى سەرىك ومارعازين.
جۇيەلى كومپلاەنس-باقىلاۋ جۇمىسىنىڭ ارقاسىندا ينستيتۋتتا ساراپتامالىق زەرتتەۋلەردىڭ ناتيجەلەرىنە دەگەن سەنىم نىعايا تۇسكەن. قازىرگى تاڭدا كومپلاەنس-وفيتسەردىڭ قىزمەتى تەك باقىلاۋ عانا ەمەس. كورپوراتيۆتىك مادەنيەتتى, اشىقتىقتى جانە ينستيتۋت ۇجىمىنىڭ ءتيىمدى جۇمىسىن قامتاماسىز ەتەتىن ستراتەگيالىق باسقارۋ تەتىگى.
ايتا كەتەيىك, وسى ورايدا تۋىنداعان بارلىق سۇراقتار بويىنشا كومپلاەنس-وفيتسەرگە compliance.vko@mail.ru ەلەكتروندىق پوشتاسى ارقىلى حابارلاسۋعا بولادى.
وسكەمەن
