چەحيادا حوككەيدەن الەم چەمپيوناتى وتۋدە (فوتو)

استانا. 10 مامىر. چەحيانىڭ پراگا جانە وستراۆا قالالارىندا حوككەيدەن 79-شى الەم چەمپيوناتى ءوتىپ جاتىر. وعان الەمنىڭ ەڭ ۇزدىك 16 قۇراماسى قاتىسۋدا. سونىڭ 14-ءى ەۋروپا قۇرلىعىنان بولسا, 2 كوماندا عانا سولتۇستىك امەريكا وكىلدەرى. ايتسە دە, سول ەكى قۇراما ازىرگە ەۋروپالىقتاردان وزىپ تۇر. بۇل تۋرالى egemen.kz حابارلادى. الەمدىك دودا 1 مامىردا باستالدى. قازىر سايىستىڭ توپتىق كەزەڭىندەگى ويىندار وينالۋدا. بۇگىنگە دەيىن 42 كەزدەسۋدىڭ ناتيجەسى بەلگىلى بولدى. ازىرگە «ا» توبىندا بارلىق ويىندا جەڭىسكە جەتكەن كانادا 15 ۇپايمەن جەكە-دارا كوش باستاپ كەلەدى. ال «ۆ» توبىندا كوش باسىندا اقش تۇر (12 ۇپاي). وسى رەتتە رەسەي مەن فينليانديادا دا 12 ۇپايدان بار ەكەنىن ايتا كەتەيىك. الايدا, ەكەۋى دە اقش-مەن جەكە كەزدەسۋلەرىندە جەڭىلىپ قالۋلارىنا بايلانىستى تۋرنير كەستەسىندە ودان كەيىن ورنالاستى. وسىعان دەيىنگى كەزدەسۋلەردىڭ ىشىنەن اقش پەن بەلارۋس اراسىنداعى ماتچتى ماماندار مەن جانكۇيەرلەر سەنساتسيا دەپ باعالادى. سەبەبى, الەمدە حوككەيدەن ەڭ ازۋلى قۇرامالاردىڭ ءبىرى سانالاتىن امەريكالىقتار بەلورۋستارعا قارسى ەش شارا قولدانا المادى. ناتيجەسىندە بەلارۋس 5:2 ەسەبىمەن جەڭىسكە جەتتى. ال قارسىلاس بىتكەندى قوعاداي جاپىرىپ كەلە جاتقان كانادا ازىرگە 4 شايبادان كەم سوعىپ كورگەن جوق. ءتىپتى ۇيەڭكى جاپىراقتى ەلىنىڭ وكىلدەرى گەرمانيانىڭ قاقپاسىنا جاۋاپسىز 10 شايبا سوعىپ, الەم چەمپيوناتى تاريحىنداعى كەزەكتى ءىرى ەسەپتى تىركەدى. كانادا مەن اقش-تىڭ ەۋروپاداعى باستى قارسىلاسى, قازىرگى الەم چەمپيوندارى رەسەي كەشە بەلارۋستىڭ تاس-تالقانىن شىعاردى (7:0). ال سولتۇستىكتەگى كورشىمىز نەگىزگى قارسىلاسى - اقش-تان 2:4 ەسەبىمەن جەڭىلگەن بولاتىن. بۇگىن توپتىق كەزەڭنىڭ تاعى 4 ويىنى وتەدى. «ا» توبىندا گەرمانيا - چەحيا, شۆەيتساريا - كانادا جۇپتارى مۇز ايدىنعا شىعادى. «ۆ» توبىنان جانكۇيەرلەر سلوۆەنيا - اقش, سلوۆاكيا - رەسەي قۇرامالارى اراسىنداعى ويىنداردى تاماشالاي الادى. ايتا كەتەيىك, ءار توپتان العاشقى تورتتىككە ىلىنگەن كوماندالار جارىستىڭ پلەي-وفف ساتىسىنا جولداما الادى. ال سوڭعى ورىن العان ەكى كوماندا الەم چەمپيوناتىنىڭ ەليتالىق ديۆيزيونىمەن قوش ايتىسادى. كەلەسى جىلى رەسەي استاناسى – ماسكەۋدە وتەتىن 80-ءشى الەم چەمپيوناتىنا قازاقستاننىڭ دا قاتىساتىنى بەلگىلى. ءبىزدىڭ حوككەيشىلەر بۇدان اي شاماسى عانا بۇرىن ءبىرىنشى ديۆيزيون بويىنشا وتكەن الەم چەمپيوناتىندا جەڭىمپاز اتانعان بولاتىن. چەحياداعى دودانىڭ توپتىق كەزەڭ باسەكەلەرى 12 مامىردا اياقتالادى. فينالدىق ويىن 17 مامىردا پراگاداعى «و2 ارەنا» مۇز ايدىنىندا وتەدى. قازىرگە دەيىنگى ويىنداردىڭ ناتيجەسى بويىنشا تۋرنير كەستەسى تومەندەگىدەي: ەلامان قوڭىر. دەرەك: egemen.kz. سۋرەت: championat.com. بۇگىنگە دەيىنگى ويىنداردىڭ ناتيجەلەرى: «ا» توبى: 1 مامىر كانادا – لاتۆيا 6:1 (3:0, 2:0, 1:1); چەحيا – شۆەتسيا 5:6 (بۋلليتپەن) (1:2, 0:1, 4:2, 0:0, 0:1); 2 مامىر شۆەيتساريا – اۋستريا 3:4 (بۋلليتپەن) (1:0, 1:1, 1:2, 0:0, 0:1); فرانتسيا – گەرمانيا 1:2 (0:1, 0:0, 1:1); لاتۆيا – چەحيا 2:4 (1:0, 1:3, 0:1); 3 مامىر اۋستريا – شۆەتسيا 1:6 (0:3, 0:3, 1:0); كانادا – گەرمانيا 10:0 (4:0, 5:0, 1:0); فرانتسيا – شۆەيتساريا 1:3 (0:1, 0:1, 1:1); 4 مامىر لاتۆيا – شۆەتسيا 1:8 (0:1, 1:3, 0:4); كانادا – چەحيا 6:3 (2:1, 1:1, 3:1); 5 مامىر شۆەيتساريا – گەرمانيا 1:0 (0:0, 0:0, 1:0); اۋستريا – فرانتسيا 0:2 (0:0, 0:0, 0:2); 6 مامىر شۆەيتساريا – لاتۆيا 1:2 (وۆەر تايم) (0:0, 0:1, 1:0, 0:1); شۆەتسيا – كانادا 4:6 (3:0, 1:3, 0:3); 7 مامىر چەحيا – فرانتسيا 5:1 (0:0, 2:1, 3:0); شۆەتسيا – گەرمانيا 4:3 (2:1, 0:1, 2:1); 8 مامىر چەحيا – اۋستريا 4:0 (0:0, 3:0, 1:0); گەرمانيا – لاتۆيا 2:1 (0:1, 0:0, 2:0); 9 مامىر فرانتسيا – كانادا 3:4 (1:2, 0:1, 2:1); اۋستريا – لاتۆيا 1:2 (وۆەر تايم) (1:0, 0:1, 0:0, 1:0); شۆەتسيا – شۆەيتساريا 2:1 (وۆەر تايم) (1:0, 0:0, 0:1, 1:0). «ۆ» توبى: 1 مامىر اقش – فينليانديا 5:1 (1:0, 2:1, 2:0); رەسەي – نورۆەگيا 6:2 (4:0, 2:2, 0:0); 2 مامىر سلوۆاكيا – دانيا 4:3 (بۋلليتپەن) (0:0, 0:1, 3:2, 0:0, 1:0); بەلارۋس – سلوۆەنيا 4:2 (2:1, 1:0, 1:1); نورۆەگيا – اقش 1:2 (1:1, 0:1, 0:0); 3 مامىر رەسەي – سلوۆەنيا 5:3 (3:0, 1:2, 1:1); بەلارۋس – سلوۆاكيا 1:2 (وۆەر تايم) (0:0, 0:0, 1:1, 0:1); دانيا – فينليانديا 0:3 (0:0, 0:3, 0:0); 4 مامىر رەسەي – اقش 2:4 (0:1, 1:1, 1:2); نورۆەگيا – فينليانديا 0:5 (0:1, 0:2, 0:2); 5 مامىر دانيا – بەلارۋس 1:5 (1:0, 0:3, 0:2); سلوۆاكيا – سلوۆەنيا 3:1 (0:1, 0:0, 3:0); 6 مامىر رەسەي – دانيا 5:2 (2:0, 1:1, 2:1); سلوۆاكيا – نورۆەگيا 2:3 (1:0, 1:2, 0:1); 7 مامىر اقش – بەلارۋس 2:5 (0:0, 1:3, 1:2); فينليانديا – سلوۆەنيا 4:0 (2:0, 2:0, 0:0); 8 مامىر سلوۆەنيا – نورۆەگيا 1:3 (0:1, 1:2, 0:0); اقش – دانيا 1:0 (0:0, 1:0, 0:0); 9 مامىر بەلارۋس – رەسەي 0:7 (0:1, 0:3, 0:3); فينليانديا – سلوۆاكيا 3:0 (0:0, 0:0, 3:0); دانيا – نورۆەگيا 4:1 (2:1, 1:0, 1:0).