ءىس ماتەريالىنا سايكەس, و. ءوزىنىڭ Instagram پاراقشاسىندا بەينەماتەريال جاريالاپ, وندا قوعامعا جانە مۇمكىندىگى شەكتەۋلى ادامدارعا قاتىستى قورلايتىن جانە بەيادەپ سوزدەر قولدانعانى, سول ارقىلى قوعامعا اشىق تۇردە قۇرمەتسىزدىك كورسەتىپ, ءتارتىپتى بۇزعانى انىقتالدى.
«قىلمىستىق ءىس بويىنشا سوتقا دەيىنگى تەرگەپ-تەكسەرۋ جۇرگىزىلگەن جوق, سەبەبى ينكريميناتسيالانىپ وتىرعان ءىس-ارەكەت تەك اكىمشىلىك ءوندىرىس شەڭبەرىندە قارالادى», دەپ جازىلعان سوت حابارلاماسىندا.
سوت وتىرىسىندا و. كىناسىن ءىشىنارا مويىندادى: بەيادەپ سوزدەر قولدانعانىن راستاعانىمەن, بالالاردى قورلاۋ نيەتى بولماعانىن كورسەتتى.
اقبتك 50-بابىنىڭ 2-بولىگىنە سايكەس, 14 جاسقا دەيىنگى بالالارى بار ايەلدەرگە اكىمشىلىك قاماۋ قولدانىلمايدى. و.-نىڭ 2016 جىلى تۋعان كامەلەتكە تولماعان بالاسى بار ەكەنى تۋ تۋرالى كۋالىك ارقىلى راستالدى.
سوتتا جاۋاپتىلىقتى اۋىرلاتاتىن ءمان-جايلار انىقتامالدى. و.-نىڭ كامەلەتكە تولماعان بالاسىنىڭ بولۋى جەڭىلدەتەتىن ءمان-جاي رەتىندە تانىلدى.
«قۇقىق بۇزۋشىلىقتىڭ سيپاتى جانە جەڭىلدەتەتىن ءمان-جايدىڭ بولۋى ەسكەرىلىپ, و.-عا اقبتك 434-بابى 1-بولىگى بويىنشا اەك مولشەرىندە, ياعني 78 640 تەڭگە ايىپپۇل سالىندى. سوت قاۋلىسى زاڭدى كۇشىنە ەنگەن جوق», دەيدى سوت.
