ۇلان اۋدانى اكىمدىگىنىڭ قولداۋىمەن, كىتاپحانا ۇجىمىنىڭ ۇيىمداستىرۋىمەن وتكەن كورمەگە بوزانباي اۋىلىنان بۇركىتشىلەر وتباسى مەن وسى فەستيۆالدىڭ وتۋىنە مۇرىندىق بولعان نۇرتاي تىلەۋجان ۇلى كەلىپ قاتىستى. رۋحاني كەشتى ۇلان اۋدانىنىڭ ونەرپازدارى انمەن ارلەپ, دومبىرا شاناعىنان كۇي توكتى. ءسوز العاندار فوتوكورمەنىڭ ماڭىزدىلىعىنا توقتالدى.
– سالبۋرىن فەستيۆالى جىلدا دۇركىرەپ وتەدى, كەتەدى. بولدى, سونىمەن ءبىر جىلعا ۇمىتامىز. ال مىناۋ كورمەگە قويىلعان فوتولار ءسانى جاراسقان ونەرىمىزدى تاريحقا قاتتاپ, بولاشاققا ساقتاۋدىڭ ءبىر جولى ەكەن. وسى ورايدا, فوتوسۋرەتشىلەردىڭ ونەرى ەرەكشە ەكەنىنە كوز جەتىپ وتىر. جالپى, مۇنشا بايلىقتى فوتوكورمەمەن شەكتەمەي, فوتوالبوم ەتىپ شىعارعانىمىز ءجون بولادى, – دەپ ءوز ۇسىنىسىن دا ايتتى ۇلان اۋداندىق ءماسليحاتىنىڭ دەپۋتاتى, ۇلتتىق ونەردىڭ جاناشىرى نۇرتاي تىلەۋجان ۇلى.
كەڭ زالدا ورىن العان كورمەنى تاماشالاۋعا كەلگەندەر ءار سۋرەتتىڭ جانىندا ايالداپ, وي-پىكىرلەرىمەن دە ءبولىسىپ جاتتى. قاراساق, فوتوسۋرەتشىلەر قايتالانباس ساتتەردى قالت جىبەرمەۋگە تىرىسقان. ءبىرى قىراندى قولىنان ەندى ۇشىرعان ءساتىن كادرعا باسسا, ەندى ءبىرى قاشقان قوياندى ىلە بەرگەن ءساتىن باسىپ ۇلگەرگەن. ءيا, ءار سۋرەت شەدەۆر. ءىشىنارا بۇركىتشىلەردىڭ پورترەتتەرى دە كورمەنىڭ تورىنە ورنالاسقان. ايتقانداي, فوتوكورمە ءبىر ايعا جۋىق كىتاپحانا فويەسىندە تۇرادى.
وسكەمەن
