تەرگەۋ مالىمەتىنشە, ول شىن مانىندە جوق پاتەرلەردى جالعا بەرۋ تۋرالى حابارلاندىرۋ جاريالاپ, تۇرعىنداردان الدىن الا تولەم, ءتىپتى تولىق جالداۋ اقىسىن دا العان.
پوليتسەيلەر ونىڭ زاڭعا قايشى ارەكەتتەرىنىڭ شامامەن 30 ەپيزودىن انىقتادى. قازىرگى ۋاقىتتا كۇدىكتىنىڭ وزگە دە ۇقساس قىلمىستارعا قاتىسى بار-جوعى تەكسەرىلىپ جاتىر.
— كۇدىكتى جولعا قويىلعان سحەما ارقىلى ارەكەت ەتكەن. ءبىز جابىرلەنۋشىلەردىڭ تولىق شەڭبەرىن انىقتاۋ باعىتىندا جەدەل ءىس-شارالاردى جالعاستىرىپ جاتىرمىز. قالا تۇرعىندارىن ونلاين مامىلەلەر جاساعاندا, اسىرەسە پاتەر جالداۋعا قاتىستى كەلىسىمدەردە اسا مۇقيات بولۋعا شاقىرامىز, — دەدى المالى اۋداندىق پوليتسيا باسقارماسىنىڭ باستىعى ماقسات پشان.
