فوتو: Istock
دۇنيەجۇزىلىك بانك جىل سايىن رەسمي تۇردە تانىلعان حالىقارالىق دەرەككوزدەر نەگىزىندە قالىپتاستىرىلاتىن ستاتيستيكالىق تيىمدىلىك كورسەتكىشتەرى (Statistical Performance Indicators – SPI) رەيتينگىن جاريالايدى. اتالعان رەيتينگتە ۇلتتىق, وڭىرلىك, جاھاندىق باعالاۋلاردى قوسا العاندا, الەمدىك دامۋ تۋرالى وزەكتى ءارى ءدال دەرەكتەر جيناقتالىپ وتىرادى.
ستراتەگيالىق جوسپارلاۋ جانە رەفورمالار اگەنتتىگىنىڭ مالىمەتىنشە, ستاتيستيكالىق تيىمدىلىك كورسەتكىشتەرى – ۇلتتىق ستاتيستيكا جۇيەسىنىڭ دەرەكتەردى پايدالانۋ, كورسەتىلەتىن قىزمەتتەر, ستاتيستيكالىق ونىمدەر, دەرەك كوزدەرى, دەرەكتەر ينفراقۇرىلىمى سياقتى كريتەريلەر بويىنشا مۇمكىندىكتەرىن كورسەتەدى. باعالاۋ دياپازونى – 0-دەن 100-گە دەيىن, 100 – ەڭ جوعارى دەڭگەي.
وتكەن جىلدىڭ دەرەكتەرىنە سايكەس, قازاقستاننىڭ ۇلتتىق ستاتيستيكا جۇيەسى 100 مۇمكىن بالدىڭ 84,9-ءىن جيناعان. جالپى كورسەتكىشتىڭ وسۋىنە كەلەسى كومپونەنتتەردىڭ جاقسارۋى ىقپال ەتكەن.
دەرەكتەردى پايدالانۋ: +10,
دەرەك كوزدەرى: +10,2,
دەرەكتەر ينفراقۇرىلىمى: +10
دەرەكتەردى ۇسىنۋ قىزمەتتەرى: +1,1 بالل.
SPI-2024 رەيتينگىندە ستاتيستيكالىق جۇيەلەرى كوش باستاپ تۇرعان ەلدەر – نورۆەگيا, شۆەتسيا, كانادا.
